Luk 23:35 - Nobonob Baibel

³⁵ Danab ah ag hippaidna daanna anttegeg, ikki danab ag nug aon aon qettan appig. “Nug danab laala ehanattom amunu, Nug genab Kayak Bekka, Kayak tituanom dayeb amu, Nug nugakka Nug ehanittaɗ!” aon appig.

Luk 23:35 Referans Kwoze

Sam 22:17

Da am danab ebehinab tak, nug nuhig ɠagattag iitta dootte, da amubia doottem. Dahilad kekeɗ ag amelag behabe, da neekkiɗnana, “Enanagnab anam daatte,” atteb.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

1 Pita 2:4

Naɗi Jesus Nug am men laa bauklel daatte bia daatte. Nug men anuqak bia anam daatte; danab ah ag Nug uuppig, amge Kayak Nug nukka tituana, nuhignu am enanag dootte. Nug anam daatte, amu ag nuhigppa uɗiegeg,

Luk 16:14

Amu ɗo gumak danab-Parasia, ag am men doɗonu oolag mauhom amunu, Jesus Nug nai amu oh mattie doona, ag ahan, nuhignu guhuɗittak nai madippig,

Matyu 12:18

Nai amuam inam. “Imuam dahil maɗi nid, da Nug tituanmi. Da nuhignu ool mauhtte, nuhignu ele enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Gayak Nai 3:14

Dahilad danab ah ag dahilnu hamunab doon, eheɗ imiɗtteb; ag deɗ oh amun tuqan ele ahi ettanna, aon aon iutteb.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Sam 71:11

Ag atteb. “Kayak uuittom daatte, laa ehanitteb, ig eppenigppa ii daakkunu laa ii daatte amunu, doppeg ig nug dim lamidta gota, nug ⌊aɗat qetu⌋!” aon atteb.

Sam 69:26

O Kayak, da na dahilad kekeɗ dilagppa anam hekkutnu oɗ medattemnu diig am inam. Na laa bu madattem ele amu, dahilad kekeɗ ag ag eheɗ hattaegeg, guittak tuɗittak, okkai dootteb. Ao, na laa, na ag bu matte guittak dootteb ele amu, dahilad kekeɗ ag amu dilag guittaknu qattag metteb.

Sam 35:15

Amge gemu da uugppa daai, ag gamalag ahatte. Ag gamalag huananab ahe, ag da iuglagnu hetteb. Danab ah ag da banel uɗin hetteb. Ag hanhan da onil nauhkkunu nai nau maditteb.

Sam 4:2

Ag danab ah ag binag amahlak oppiaawak ele Kayak da meɗom amu, ag heppeg, keeke amuam keeke uɗa nak ele daakkunu hetteb; amu haen gane laa ele ukkeb, ag hak amu uuglag? Ag danab ah ag da nau ii hemi, amge ag da nau hemi atteb amu, ag anak amu, amu anak laala diig genab iittappanu ele atteb amu; haen gane laa ele ukkeb, ag anak amu uuglag? Sila.

Luk 23:13

Aria Jesus Nug eɗua Pailat toppa daye, Pailat nug mana mettak danab okkai, danab ah ikkilkad danab, amu danab ah ele ag onilagppa e, ag gumidna ukkaeg,

Luk 23:39

Danab nau aɗit atulatppig amu, laa nug ele Jesus awa awa qetta aum. “Na am Kristusde! Na nagakka beɗun uhuqna, i ele uhuqite!” awa aum.