Luk 23:2 - Nobonob Baibel

² Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Luk 23:2 Referans Kwoze

Jon 19:12

Pailat nai amu doya, Nug Jesus uhuqkkunu heum, amge Juda okkai ag enan appig. “Na danab amu uhuqppe gokku dayeb amu, na Sisar layag iitta! Danab laa nug nukka nuhig, ‘Da am king,’ atte, nug am Sisarnu kekeɗ,” aon appig.

Luk 23:14

nug ag amelagppa aum. “Ag danab imu aon, da gumiɗna uɗin, ‘Nug danab ah ag gabman ele ban hekkulagnu maɗadatte,’ appig amu, da Nug ag amelagppa hettoɗimi, amge da nuhig eheɗ hak laa ii anidmi.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Jon 18:30

A amu ag nug oɗeppa aon appig. “Nug ɗo tippalak iitta dayeb amu ig omalta, nahip-ppa ii uɗilom,” aon appig.

Mak 12:17

Ag anam aeg amu Jesus Nug aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum. Awa a amu ag dabmak kuɗum aoppig.

Matyu 22:21

Jesus anam oɗ matte amu, ag “Sisarnu,” aon appig. Ag anam aeg, Jesus ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Jeremaia 38:4

Kingnu ehanittak anuqak danab waɗele amu ag amu doon, ag gona, King Sedekaia amegppa appig. “Ig Jeremaia qepput mauhkku am ena. Aɗinu? Nug nuhig naippa nug he, ihinkad daup danab aab okkai imuppa daatteb ele, ag oolagppa gai-iitta daatteb, danab ah ele anamib. Nug mauhkkunu diig laa ele amu, danab amu nug Juda danab ah ag ena daaglagnu ib ii maditte. Iitta. Nug ag nauhkkulagnu hette,” aon appig.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Sam 62:4

Da am king amunu, ag heppeg, da nein qein, king ii daapanu hetteb. Ag nai hambuppuak mattiglagnu enanagnab dootteb. Ag da iɗul anidna amu, ag nai ena meɗatteb, amge ag mattiak henana, ag da eheɗ laa awaknu anak waappa daakkulnu ag oolag unuqagppa atteb. Sila.

Aposel 24:13

Amu gemu ag nai da beɗulppa yaan maditteb amu, ag heppeg, na nai diig aakku am genab anidkkutnu laa iitta.

Luk 23:5

Nug anam aum amge ag tuɗidna ɠagattag appig. “Nug Juda laih ohppa danab ah amelagppa biig yaak nai mattie, ag ahilag dabmak manin ii daatte. Nug kobol amu Galilinu digme uɗia, ippa ele he beum,” aon appig.

Matyu 17:27

amge ag oolag nauhmanu, Pita na gona, le amegppa huk ena, kakai tatam aokkut amu oɗe haqana, na men doɗo anidkkut. Anidna aon, ihinih takis amuppa hekkut,” awa aum.

Amos 7:10

Amos nug nai amu mattie, Amasaia, Betelnu mana mettak danab, nug nai imu Israel dilag king Jeroboam toppa me ukkom. “Amos nug Israel danab ah oolagppa noa he, ag na kekeɗ mettaglagnu daatteb. Nug nai huan huan maditte, amu na nug uuidppe daakku, nuhig nai heeb, wan imu nauhkku.

Sam 35:11

Amu aɗi heehe anttomnu mattiak danab laa, ag naippa guittak meɗaglagnu hetteb amu, ag hettoɗiakppa dahilnu, “Nug eheɗ heum,” anana, amuppa ag ahilag naippa da iutteb. Ao, ag keeke laalanu, da anam laa ii hemi, da amunu nakok laa ii doottem ele amu, ag keeke amunu da naippa yaaiɗna, da hemi atteb.

1 King 18:17

Haen Ahap nug ukka, Elaiya antta amu, nug aum. “Am genab na, na Israel uug madattem danab, am nate aakku?” awa oɗ mettom.

Matyu 27:11

Aria, Jesus Pailat noobppa hibaitta dayeye, Pailat Jesus oɗ mettom. “Na Juda dilag kingte?” awa aum. A amu Jesus, “Na aakku attem,” awa aum.

Mak 15:2

Jesus Nug anam dayeye amu Pailat nug oɗ mettom. “Na Juda dilag kingte?” awa aum. Awa a amu Jesus Nug aum. “Na aakku attem,” awa aum.

Jon 18:29

Anam amunu ag dimittim daaegeg, Pailat nug dimittim ag gumatta doa oɗ mattom. “Danab imunu nai attemu?” awa aum.

Rom 13:7

Aria, ag keeke iɗu iɗu gabmannu danab mattaglagnu daatte amu, ag mattaglag. Gabmannu takis awaknu danab, ag amunu men doɗo aoglagnu dayeb amu, ag amu matteg! Ag danab laanu ena elele dooglagnu daatte dayeb amu, ag aakku nuhignu anam doyeg! Amu ag danab laa binag mekkulagnu daatte dayeb amu, ag nug binag metteg!