Luk 23:13 - Nobonob Baibel

¹³ Aria Jesus Nug eɗua Pailat toppa daye, Pailat nug mana mettak danab okkai, danab ah ikkilkad danab, amu danab ah ele ag onilagppa e, ag gumidna ukkaeg,

Luk 23:13 Referans Kwoze

Jon 18:38

Nug anam a amu Pailat amegppa aum. “Doyak diig genabib am aɗi?” awa aum. Nug anam ana, nug aha, dimittim Juda gumatta ukka aum. “Da nuhigppa ɗo tippalak laa ii anidmi.

Mak 15:14

Ag anam eppig, amge Pailat nug oɗ mattom. “Aɗinu? Nug aɗi eheɗ heum?” awa aum. Nug anam aum, amge ag huanak ena appig. “Ad emaitakppa atule!” eppig.

Jon 19:4

Ag anam heeg amu, Pailat eɗua dimittim doa, amelagppa aum. “Antteg, da nug beɗuppa ɗo tippalak laa ii anidmi amunu, ag amu dooglagnu omalppi, ahilagppa dimittim dokkunu hettem,” awa aum.

Luk 23:35

Danab ah ag hippaidna daanna anttegeg, ikki danab ag nug aon aon qettan appig. “Nug danab laala ehanattom amunu, Nug genab Kayak Bekka, Kayak tituanom dayeb amu, Nug nugakka Nug ehanittaɗ!” aon appig.

Luk 24:20

Amu mana mettak danab okkai, amu ihinkad ikki danab ele ag aon, gabman eppelagppa mena, qeppeg mauhkkunu aeg, gabman ag nug ad emaitakppa atulppig.

Jon 3:1

Aria, ɗo gumak danab-Parasia laa onig Nikodemus, nug am Juda dilag ikki,

Jon 7:26

amge Nug geha iikku nai oh miag atiakib mattieye, ag nuhignu nai laa ii maditteb. Laa ag gumaknu ehah ele ag Nug am Kristus oolagppa genab dooppigtai?

Jon 7:48

Ig ikki danab, ig oonigppanu o iitta ɗo gumak danab-Parasia ag oolagppanu laippu laa Jesusnu ooppa genab doottete? Iittanab!

Jon 12:42

Aisaia anam antta yom amubia ikki danab kuɗumnab ag oolagppa genab ii dooppig, amge laala kuɗum, ag oolagppa genab dooppig. Ag oolagppa genab dooppig, amge ag ɗo gumak danab-Parasia, amu dilag baɗappig. Ag ag lamadppeg, nai doyak lag dimittim daamnanu baɗana, oolagppa genab doyak amu miag ii atippig.

Aposel 3:17

Pita anam ana, nug nai tuɗitta aum. “O lailad, da genab doottem, ag Jesus nuhigppa eheɗ heppig amu, ag tutukku ii doonna, ag kobol amu heppig, ahilkad ikki danab ele anamib aakku.

Aposel 4:5

Aria, Pita, Jon ele aa maniguittak ooppa daaeh ukke, wagɗe deɗ amuppa Juda dilag danab okkai, Juda dilag ikki danab, amu ɗo mehuqak danab ele ag uɗin, Jerusalem qagmeppig.

Aposel 4:8

Danab amu ag anam aon oɗ mataeg, Kayak Ouɗi Nug Pita ooppa ambe, nug aha ag amelagppa aum. “O ag Israel danab okkai, amu ag ikki danab ele,

Aposel 13:27

Aria, danab Jerusalem daatteb amu ahilkad ikki danab ele, ag Jesus anidna, ag Nug am laa propet ag uɗikkunu appig amu, ag amu oolag ii maittom. Anam amge haen ag Nug qeeg mauhom, haen amuppa ag propet dilag yaak, Sabat deɗ ohppa ebqetteb ele amu, ag hena, ag nai amu elele medappig.