Luk 22:61 - Nobonob Baibel

⁶¹ Anam he, Naɗi Nug eɗua Pita neekkitte, nug ameg qewoya, Pita aakku Jesusnu nai, “Tuqan imuppa na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” nai amu Pita daugppa doum.

Luk 22:61 Referans Kwoze

Luk 22:34

Amge Jesus Nug aum. “Pita, da na amenppa attem, tuqan imuppa na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Esekiel 16:63

Amunu diig am, haen da nahip eheɗ hak ohnu nob nau dahil ehanittak okkaippa iitta mekkunu heppi elele metteb ⌊anidna⌋, na eheɗ huanak hemenu dabmenana, uɗanak nau doon, ⌊na oot eɗueb, da nahip hipunin uhuqen medappi, na uhuqak amu aon,⌋ na nahip hipuninnu baula madikkutnu oɗen ii oppatmana.” Naɗi Yawe Nug anam atte.

Job 33:27

Danab Kayak bu amu mettom ele amu, nug eɗua, ena daya, nug laikkud amelagppa atte. ‘Da hipunin hemi. Da aɗi kobol am tutukku doomi, amge da uuen, eheɗ hein, da nob nau awen mauhkkulnu daami, amge Kayak ehaniɗe, da ii mauhmi.

Revelesen 2:5

Na tatam daame, amuppanu na qakppa daattem amu, na dautppa doaɗ! Dautppa dob, oot eɗueb, hak nahip tatam heme ele amu baula he! Na oot ii eɗukkut dayeb, da nahip-ppa ukken, lam maknu balal nahip amu abenppanu eɗue aokkul.

Epesus 2:11

Aria ag iitta aɗi, anukka Juda, ag akka eppelagppa ag beɗulagnu gaɗalag otaɗtteb ele amu, ag ahilagnu amu, “Ag gaɗalag ii otaɗtteb ele,” aon adappig amu, ag iitta aɗi ag anukka attem daadttappig amu daulagppa doaɗ!

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Jon 13:38

A amu Jesus oɗeppa awa aum. “Na genab dahil aben aona mauhkkutte? Da genabnab genab na amenppa attem. Na tuqan imuppa, na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Luk 10:41

Amge Naɗi Nug oɗeppa awa aum. “Marta, Marta, na dabmak kuɗum ootppa dayeye, na keeke kuɗumnu ottaittem

Luk 7:13

Haen Jesus Nug ah amu antta, nuhignu oo bodoetta le me, Nug ah amu amegppa aum. “Na aib gaame,” awa aum.

Mak 5:30

Jesus Nug nuhig ɠagattag laa ukke doya, Nug eɗua oɗ mattom. “Aun dahil lamen lauɗittom?” awa aum.

Matyu 26:75

Matuk gaye amu Jesusnu nai Pita daugppa doum. Nai amuam inam. “Tuqan imuppa na dahilnu, ‘Da Nug ii doottem,’ aon, ewam batak akkut. Na haen ewam anam appe, geha matuk dawai nug gaakku.” Nai amu Pita daugppa do, nug dimittim ukka, huanaknab gayom.

Matyu 26:34

Pita nug anam a amu Jesus nug oɗeppa awa aum. “Da genab na amenppa attem. Na tuqan imuppanab na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Hosea 11:8

O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

Luk 7:19

aa goya Jesus inam oɗ mettaglahnu aum. “Danab laa uɗikkunu aeg doomut am na aakkute o iitta ig laate ameg mekkunig?” Nug anam amelahppa ana, nug he gopiɗ.

Luk 22:60

Nug anam aum amge Pita nug aum. “Danab, da na nai ame amu, da na attem hena madittemnu ii doottem!” Nug anam aawo, matuk dawai paha gayom.

Luk 22:62

Nai amu daugppa do, aakku Pita dimittim ukka, oo doyak huanak ele gayom.