Luk 22:36 - Nobonob Baibel

³⁶ Ag anam aeg, Nug ag amelagppa inam aum. “Amge gemu danab nug men doɗo inak hogot amu oiyaknu battam ele dayeb, nug awa ukkaɗ! Danab nug qep elab iitta, nug lamen nuhig awa meeb, danab laa men doɗo medappeg, nug qep elab awaɗ!

Luk 22:36 Referans Kwoze

1 Tesalonaika 3:4

Ao, haen ig ag ele daatta, haen amuppa ig Kristen, ig eheɗ hekkak aognignu amelagppa mattitta daamut. Amu meu aakku beum, ag aakku dootteb.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

1 Pita 4:1

Aria, Kristus Nug danab beɗu awom, beɗu amuppa guittak naɗi awom amunu, ag ele Nug heum bia dabmak ɠagattag aweg! Aɗinu? Danab nug guittak beɗuppa awom amu, nug aakku hipunin tuɗitta hekkunu oo ii daatte.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Luk 22:35

Jesus Nug Pita amegppa nai amu awowa, Nug nai baula tuɗitta ippunittak awak danab 12 amelagppa aum. “Anukka da hei ag gonana amu, men doɗo inaknu hogot, oiyaknu battam, baelag gaɗa ele ii akkan goppig, haen amuppa amu ag keeke laanu tutu mak dooppigte o iitta?” oɗ mattom. Oɗ matte amu ag, “Iitta,” appig.

Luk 22:37

Aɗinu? Kayak naippa nai laa yaak daatte. Nai amuam inam. ‘Ag Nug danab nau ele laippu qagmaadkkulag.’ Nai amu daatte amunu, da ag amelagppa attem; keeke amu geha dahilppa bekkuoitte. Ao genab, nai oh Kayak naippa dahilnu daatte amu gemu meu okkunu tette,” awa aum.

Luk 22:38

Nug a amu ag appig. “Naɗi, na antte! Ig amu qep elab aɗit iikku,” aon appig. Aon aeg Nug ag amelagppa, “Aakku elele,” awa aum.