Luk 22:33 - Nobonob Baibel

³³ Nug anam a, Pita nug Jesus amegppa, “Naɗi da na ele maniguittakppa goɗa, oh mauhkkunihnu uug ii doottem. Hekkulnuib doottem,” awa aum.

Luk 22:33 Referans Kwoze

Mak 14:31

Awa a amu Pita nug ɠagattag aum. “Iitta! Da na ele mauhkkunih dayeb amu, da amunu uug ii doottem, amge da nahipnu, ‘Da Nug ii doottem,’ ii apa! Iittanab iitta,” awa aum. Awa a amu ippunittak awak danab laa oh ag anamib appig.

Mak 14:29

Nug anam a amu Pita nug Jesus amegppa aum. “Danab laa oh ag nahipnu uug doon, uuidna oolna gokkulagtai, amge da am anam ii hepa!” awa aum.

Matyu 20:22

Anilah nug anam a amu, Jesus Nug aum. “Ag atteb amu, ag keeke amunu tutukku ii dootteb. Keeke laa le mua ele bia da lakkul amu, aa amu lakkulahnu elelete?” awa aum. Nug anam a amu, aa Nug amegppa apiɗ. “I am elele,” aoya apiɗ.

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Prowerb 28:26

Aun nug, “Da dakka dahil oiyak, dabmak, keeke oh atognokkulnu elele,” anana, amunu ooppa genab dootte ele, danab amu nug Kayak dab-ii-maama ii dim lamidtte ele; amge aun nug doyak dabmak ena ele dim lamidtte, Kayak Nug heeb, nug elele daakku.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Jeremaia 10:23

O Yawe, da doottem, ig danab ig ikka, ig ihinig oiyaknu ulumnab ii aɗattem. Ao, ig aɗi aɗi ihinigppa bekku amu, ig amu ii gumattem.

Luk 22:34

Amge Jesus Nug aum. “Pita, da na amenppa attem, tuqan imuppa na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Jon 13:38

A amu Jesus oɗeppa awa aum. “Na genab dahil aben aona mauhkkutte? Da genabnab genab na amenppa attem. Na tuqan imuppa, na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Luk 22:57

Ah nug aum, amge Pita nug amegppa aum. “Ah, am iitta! Da Nug ii doottem,” awa aum,