Luk 22:3 - Nobonob Baibel

³ Ag anam mattieg amu Satan nug Judas Iskariot, nug ooppa noum. Nug amu ippunittak awak danab 12 oolagppan laa.

Luk 22:3 Referans Kwoze

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

Jon 13:18

Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’

Aposel 5:3

Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

Luk 22:21

Amge iikkud antteg! Danab da kekeɗ eppelagppa meiɗkku ele amu, nug da ele oh iikku balalppa daattem.

Sam 41:9

Am da layalnab, da nuhignu oolppa genab doyen, ool mettami, i oh ee lamuɗ ele, nug da kekeɗ meɗom.

Jon 12:6

Judas nug anam awa aum, amge nug daɗek danab dilag dabma ii aum. Iitta. Nug ippunittak awak dilag men doɗonu kunup gumama yab aottom.

Luk 6:16

Laa am Judas, nug Jems bekka, amu Judas Iskariot ele, nug dimppa Jesus awa, kekeɗ eppelagppa meum.

Matyu 26:23

Aeg amu Nug ag oɗelagppa awa aum. “Laippu laa nug da ele ee lattep amu, nug da kekeɗ eppelagppa meiɗkku.

Matyu 4:10

Awa a amu, Jesus Nug Satan amegppa aum. “Satan, na qe me! Kayak naippa yaak inam daatte. ‘Na Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

Matyu 10:4

Saimon, nug am Selot, amu Judas, Iskariot ted ele. Nug Jesus kekeɗ eppelagppa meum.