Luk 22:29 - Nobonob Baibel

^29-30 Da Mamel, Nug ɗo maɗoɗ da meɗom, amu anamib da ag ɗo maɗoɗ dahil, amuppa ag dahil balalppa ee le ele lanan daaglagnu, ag sia king 12ppa daanna, Israel dilag huu okkai 12 amu gumadkkulag ɠagattag madattem,” awa aum.

Luk 22:29 Referans Kwoze

2 Timoti 2:12

Ig uug maognignu ɠagattag daattem dayeb; ig Nug ele keeke oh gumadkkunig. Ig Nug dimettagnig dayeb; Nug ig ele dimegakku.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

Matyu 24:47

Da genab ag amelagppa attem. Danab okkai nug maɗi nid amu nuhig keeke ohnu ikkilag meeb daakku.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Luk 19:17

‘Na maɗi nid ena, na uɗat enanag heme, na keeke nakoknab oo metta ii uuak kobolppa dabmettan autna aome amunu, gemu da na aab okkai 10 gumadkkutnu ɠagattag medattem,’ awa aum.

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.

1 Korint 9:25

Amu danab oh ag qiɗ laala ele hekkulagnu daatteb amu, ag wan imuppan keeke o kobol laala, ag qiɗ ena hekkulagnu ib oo nette ele amu, ag amu oh qeeg nette. Danab amu ag wannu bala, keeke nauhtte ele aoglagnu hena, qiɗ amu hetteb, amge ig nob ena, nauhaknu elele iitta, amu aognignu hettem.

2 Korint 1:7

Amu ig ag ena daaglagnu oonigppa genab ɠagattag doottem. Aɗinu? Ag ig ele oh guittak maottem, anam bia ele ag ig ele oh oo mak aottem.

Revelesen 21:14

Aab okkai amunu aɗ ukku am men kuɗum duqe ukkak huu 12 ele. Aɗ nug amu attan daatte. Amu Sipsip Nagnu totol danab 12 onilkad amu, ag men amuppa yaalattak daappig.

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Matyu 5:10

Danab aun aɗi ag genab tutukku hak kobol hetteb, amge danab laala ag amunu oo aeg bak doonna, eheɗ hadatteb ele amu, danab ag genab tutukku hetteb ele, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.