Luk 22:19 - Nobonob Baibel

¹⁹ Nug anam awowa, Nug bret awa, Mameg amegppa, “Ena heme” awowa, pane ne, pania madatta Nug aum. “Imuam da beɗul, da amuppa ag ehanadkkulnu madattem. Ag dahilnu dabmekkulagnu lanaknu kobol imu heig!” awa aum.

Luk 22:19 Referans Kwoze

1 Korint 10:16

Ig Pasowanu ee lattem haenppa amu, ig wain itittak ena megatte ele, ig amunu, “Ena heme” atata lautut, amuppa ig Kristus ele iite ouqettem? Amu bret laippu panaut ne, panit lautut, amuppa ig Kristus ele iite ouqettem?

Luk 22:20

Ag ee lana malona, Nug matu heum, amubianab Nug kap awa amelagppa aum. “Kap imuppa da nug tituana nai qakkak bau da tiilppa hettem. Da tiil ag ehanadkkunu gokkaɗttem.

1 Korint 10:4

Ag oh amu, Kayak Nug le matte lappig. Ao, hab aabnu Laa Nugib ag omalattom. Nug Kristus. Nug he lappig.

Sam 111:4

Nug kobol danab hekkunu elele iitta heum ele amu, Nug he, danab ag amu daulag atikkunu elele iitta. Yawe Nug oo bodoette enanag maɗoɗ ele hak kobol dim lamitta, Nug ihinignu oo gai-iitta doya, oo mekka, ehanigtte!

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Galesia 1:4

Kristus Nug Kayak, ig Mamenig, Nug oo dayom amu dim lamitta, Nug ihinig hipunin uhuqa megakkunu, Nug nukka bau dayak nuhig uua, ad emaitakppa mauhom. Nug anam heumnu diig am, Nug ig kobol nau, gemu wannu haen imuppa daatte, amu waappa ii daamtanu heum.

Jon 6:51

Bret bauklel ele hab aabppanu uɗiom am da. Am laa nug bret imu latte amu, nug bauklel hanhan daakku. Amu ele bret da wanppan danab ah bauklel daaglagnu madakkul ele imuam, da beɗul,” awa aum.

Luk 24:30

dimppa ee lakkulagnu hena, Jesus Nug aa ele oh balalppa daanna, Nug bret awa Kayak amegppa, “Ena heme,” awowa, pane ne, Nug matete,

Matyu 14:19

Ana amu, Nug danab ah amelagppa, “Ag gikkiɗahppa dayeg!” awona, Nug bret tanig ele, kakai aɗit ele amu diia aɗa, Nug hab attan neekkakka, Kayak amegppa, “Ena hen mekkame,” awa aum. Anam hewowa amu, Nug bret pane ne, ippunittak awak danab matte, ippunittak awak danab ag diin panin, danab ah madappig.

Jon 6:23

Aria ag anam doonna daappig, amu uub laala Taiberiasnu ag uɗin, Naɗi Nug unuqittowa, bret matte lappig abenppa eeɗppig

Luk 22:17

Nug anam awowa, Nug kap laa awa, Nug Kayak amegppa, “Ena heme,” awowa aum. “Ag imu aon panin laeg!

Solomonnu Ahi 1:4

Na da omaiɗna gokkutnu ool okkai daatte. Ahappe, ii paha goɗu! O king dahil, na da omaiɗna, lag oo na daattem, amuppa gokkutnu ool daatte. Da na king, da nahipnu gamag ahak naɗi doottem, nahipnu enanagnab doottem; da wain enanag lain, “Wain amuam lanak baag ubuhi enanag,” attem, amge na king, na dahilnu oo mauhak okkai doottem amunu, da wain enanag binag mettem, amu eɗittak, da na binan okkai, attannab mettem. O dahil danab, ah bau na waatad daatteb, ag nahipnu oolag mauhtte amu, ag tutukku hetteb.

1 Tesalonaika 5:18

Wanppan oiyak ahilagppa aɗi aɗi bette amu, ⌊Kayak Nug ag ehanadtte amunu,⌋ ag amunu Nug amegppa, “Ena heme,” aon aig! Ag Kristus Jesusnu daatteb amu, Kayak Nug ag kobol anam hekkulagnu oo daatte.

Daniel 2:38

Nug danab, ah, doɗ wanppa oitteb, ai hab waappa hagagaɗna oitteb ele na eppenppa meum. Danab, doɗ, ai ele ag adeppa adeppa daatteb amu, Kayak Nug he, na ahilag okkai daattem. Dottog ikki golppa hak am na ippunigtte.

Galesia 4:25

Hagar nug Arebianu qauko laa Sainai, nug amu ippunigtte, amu amuppa nug danab ag Jerusalem appa gemu daatteb, ag ɗo waappa begbeg maɗi nid daatteb, am amunu ippunigtte.

Esekiel 37:11

Aria, ebehilkad oh ag anam bau bena daaegeg, Yawe da amelppa aum. “Danab bekka, Israel danab ah ag am ebehilkad imubia daatteb. Israel ag atteb, ‘Ig ebehinkad am qaɗaiedappig. Ig ena daagnignu dabmak aɗa oiyaknu ib laa iitta. Ig neta qeta auta aomut.’

Matyu 15:36

Ag anam daaegeg, Jesus Nug bret kunum eblaih aɗit ele, amu kakai ele diia, Kayak amegppa, “Ena hen mekkame,” awowa, pane ne, nuhikkud ippunittak awak danab mattom. Matte, ippunittak awak danab ag danab ah madappig.

Esekiel 5:5

Amu Naɗi Yawe, Nug inam atte. “Imuam Jerusalem. Da hei, aab imuam wan oh oolagppa gamagppanab daye, wan laala Jerusalem talilidna daatteb.