Luk 22:16 - Nobonob Baibel

¹⁶ Da ag amelagppa attem. Da ag ele Pasowa ee baula paha ii lamata. Dayebeb ukkeb, ee lanak imunu meunab Kayaknu ɗo maɗoɗppa gogppa teeb amu, da baula lakkul,” awa aum.

Luk 22:16 Referans Kwoze

Revelesen 19:9

Amu dimppa engel nug da amelppa aum. “Na nai imu ye! ‘Danab ah, Kayak Nug ag Sipsip Nagnu ah awaknu hobulppa uɗiglagnu onilagppa eum ele amu, ag itittak ena aoppig daatteb,’ ” awa aum. Awona amu, nug da amelppa aum. “Nai imu am Kayak oɗe, amu nai nuhig am nai genab,” awa aum.

Luk 14:15

Nug nai mattia male, ag daappig ele amu ag oolagppanu danab laa nug nai amu doyowa, Jesus amegppa aum. “Danab nug geha Kayaknu ɗo maɗoɗ ooppa ee lakku amu, nug itittak ena awom daatte,” awa aum.

Aposel 10:41

Danab oh ii anidppig. Iitta! Ig laala, ig Nug anidta, aɗi heehe anttomnu mattiak danab daagnignu, Kayak Nug ig tituanikkom ele amu, Nug ig gumikka uɗie anidmut. Nug hibaitte, dimppa ig Nug ele ee, le ele lamut.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Luk 12:37

Am danab okkai nug uɗia, nuhikkud maɗi nid ag ii niippeg anadkku, aria maɗi nid amu, ahilagnu am ena. Da genab ag amelagppa attem. Geha danab okkai nug nukka lamen tutu matagiɗ ele takkowa, nug ab, maɗi nid amu ag balalppa daappeg, nug nukka ag ee madakku.

Luk 22:15

Daanna, Nug amelagppa aum. “Da ag ele Pasowa ee imu tatam lakkunignu ool huanak daye, iikku daattem. Aria dimppa da guittak maokkul.

Luk 22:18

Da ag amelagppa attem. Da baula wain paha ii lapa. Iitta. Haen ukkeb, dimppa Kayaknu ɗo maɗoɗ beeb, da baula lakkul,” awa aum.