Luk 21:8 - Nobonob Baibel

⁸ Ag anam aeg, Jesus Nug aum. “Laa ag hambuppualadmanu, ag dabmeig! Aɗinu? Danab kuɗum ag da onilppa uɗin, ‘Da am Kristus,’ ana, ‘Haen miag aakku doum,’ ele aon akkulag, amge ag ahan, ag aib dim lamadna goppig.

Luk 21:8 Referans Kwoze

1 Jon 4:1

O gamalad, propet hambuppuak kuɗum ag ihinigppanu qatin gona wan imuppa oitteb amunu, ag danab ag, “Da Kayak Ouɗi oɗe awen madittem,” atteb ele, ag amu oh dilag nai oolagppa genab aib dooppig. Iitta. Ag nai dootteb ele ag ouɗi aun laa nai maditteb ele ehanatte, ag nai maditteb, ag amu pehettan epeɗin, aun nug Kayak Ouɗippa nai maditte anidna, ahilag naiib ag oolagppa genab doyeg!

2 Tesalonaika 2:3

Ag heppeg, laippu laa nug ib laalappa aib buppualattom. Deɗ amu tatam iinab uɗima. Tatam Kayak dimettak kobol okkai beeb amu, ɗo ii dim lamittak danab, danab amu nug padal mekku ele amu, nug ele miag atikku.

Epesus 5:6

Laa nug nai hamu mattiakppa ag eeɗatteb, kobol nau oh amuppa nomananu dabmeig! Aɗinu? Kayaknu oppoɗi bak uɗitte ele am danab oh ag Kayaknu ɗo tappaeg nette ele, ahilagppa daakku

Matyu 24:11

Propet hambuppuak kuɗum ele ag ahan, danab ah kuɗum buppualadkkulag.

2 Timoti 3:13

Amge danab nau, hambuppuak aɗi ele, ag kobol nau henana, tuɗidna naunab henana, ag laa hambuppualattegeg, laa amu ag ele ag hambuppualadkkulag.

Jeremaia 29:8

Ao, Yawe Nukka Ɠagattag Oh Ele, Israel dilag Kayak, Nug inam atte. “Ag oolagppan laa ag, ‘Da am Kayaknu propet,’ hambuppuna atteb, o laa ag eman danab daatteb amu, ag ag hambuppualadmananu dabmeig! Ag ahilag nainu oolagppa genab aib dooppig. Amu ag akka, ag tul niitteb amu, ag ahilag tul niiaknu ele aib dabmeppig.

2 Jon 1:7

Am hambuppuak danab kuɗum, ag Jesus Kristus Nug danab beɗu ii awa uɗiom maditteb ele amu, ag ihinigppanu qatin gona wan imuppa oitteb. Danab amu ag am hambuppuak danab, ag Kristusnu kekeɗ.

Luk 17:23

Am geha danab ag amelagppa inam akkulag. ‘Antteg! Nug am laih uppa uma daatte,’ o iitta, ‘Antteg! Nug am ippa ina daatte,’ aon akkulag, amge ag am aib dim lamadna goppig.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Revelesen 1:3

Danab aun aɗi ag Kayaknu nai, keeke dimppa bekkunu imu ebqena dim lamidtteb, o aun aɗi ag nai imu daulagppa doona dim lamidtteb ele amu, ag itittak ena aoppig daatteb. Aɗinu? Haen Kayak Nug heeb, keeke oh buk imuppa yaak daatteb, ag bekkulag am miag doum daatte.

Jon 8:24

Diig amunu da ag amelagppa tatam ami. ‘Ag hipunin ahilag amu ag tonadppeg mauhkkulag.’ Am genab, ag da am Kayak Bekka oolagppa genab ii dooglag dayeb amu, ahilag hipunin genab tonadppeg mauhkkulag,” awa aum.

Jon 5:43

Da Mama onigppa uɗimi, amu ag dahilnu oolagppa genab ii dootteb. Amge danab laa nug nukka nug onigppa uɗia, nai mattieb amu, ag nuhignu oolagppa genab dooglag.

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Luk 21:7

Nug anam a, ag Nug oɗ medappig. “Ippunittak danab, na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig keeke amu oh bekkunu miag daatte doognig?” aon appig.

Luk 21:9

Ag bannu doonna, amu ag aab ikki ikki ag ahan ban hettebnu nai ele dooglag. Keeke amu genab bekkulagnab, amge doyeg! Ag aib ottaippig. Wan haen malak iitta,” awa aum.

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.

1 Korint 6:9

Ag imu iite dootteb? Danab ag nau hetteb ele amu, ag Kayaknu ɗo maɗoɗ ooppa ii daamna. Na nakka nahipnu aib hambuppume. Aun aɗi ag gappai hetteb, o aun aɗi ag kayak hambuppuak binalag metteb, o aun aɗi ag ewau pakkua gappai hak danab daatteb, o aun aɗi ag danab danabib, o ah ahib gappai aɗatteb,