Luk 21:37 - Nobonob Baibel

³⁷ Deɗ oh Jesus Nug Kayaknu mettid lag ooppa ag nai ippuanattatta, tuqan amu Nug ukka, Olipnu qaukoppa dayom.

Luk 21:37 Referans Kwoze

Luk 22:39

Nug anam awowa, Nug dimittim noa, Nug haen kuɗum hettom bia Nug Olipnu Qaukoppa ukkom. Nug ugekke, nuhikkud ippunittak awak danab ag Nug dim lamidppig.

Mak 11:19

Jesus Nug anam he, tueb meeme, Nug nuhikkud ippunittak awak danab ele ag Jerusalem uuna, aab okkai amu dimittim goppig.

Matyu 26:55

Aria, haen amuppa Jesus Nug danab ameg naɗi amu amelagppa aum. “Da nai tappe nak danab naute daattem amunu ag qep elab, daɗib ele aon, aɗailkkulagnu uɗippig? Haen da deɗ oh Kayaknu mettid lagnu haɗap-ppa danab ah ippunittak madattami, amge ag da ii aɗailppig.

Matyu 21:17

Nug anam ana, Nug aha uuatta, aab okkaippanu dimittim ukkom. Nug ukka, tuqan amuppa Betani appa dayom.

Matyu 21:1

Aria ag gona, Jerusalem gukkuidna, ag aab Betpasi, Olipnu Qaukoppa dayom, ag aab amuppa tekkulagnu tenana, appa Jesus Nug ippunittak awak danab aɗit laa maate gokkulahnu a daaeheh,

Aposel 1:12

Aria, ag qauko nakok laa, Olipnu Qauko atteb, ag appanu eɗun Jerusalem wappig. Qauko amuppanu Jerusalem wanak amu miag, 1 kilomita bia. Juda dilag ɗoppa danab nug ahilag Sabat deɗppa tappa ukkak elab amubia gokkunu elele.

Jon 12:1

Aria, Pasowanu Hobul bekkunu heehe, deɗ eblaih laippu daye, Jesus Nug tatam danab mauhe maɗettom ele onig Lasarus, nug appagppa Betani ukkom.

Luk 19:37

Aria Jesus Nug ukka, ib laih Olipnu Qauko amu eɗitta no, appa nuhikkud ippunittak awak danab kuɗum laa ele ag oh nuhignu gamalag ahom. Aɗinu? Nug kobol danab hekkunu elele iitta kuɗum he anidppig amunu, ag baalag okkaippa enan Kayak binag humappig.

Mak 11:12

Aria wagɗe deɗ amuppa ag Jerusalem gokkulagnu Betaninu ahan ukkaegeg, Jesus Nug enug qeum.

Matyu 26:30

Nug anam a amu ag ahi laa ettona, ag ahan, dimittim wana, ag Olipnu Qaukoppa goppig.

Sekaraia 14:4

Deɗ amuppa nug na, Olipnu Qauko, qauko amu Jerusalemnu kaɗag uɗitteppanu daatte, Nug appa hibaitta dayebeb, qauko amu oppata, laih laih daakku. Qauko oppateb, gamagppa oolnu noak naɗi laa daakku; oolnu noak amuam kaɗag uɗitteppanu digmeeb ukka, qaban uɗitteppanu gokku. Amu bekkunu diig am, qauko laih am ukka, yawalti uɗitteppanu ukkebeb, laih am ukka, yau uɗitteppanu gokku.

Mak 14:49

Haen da deɗ oh Kayaknu mettid lagnu haɗap-ppa danab ah ippunittak madattami, amge ag da ii aɗailppig. Amge Kayak nai daatte amuib bekkuoitte,” awa aum.

Luk 19:29

Nug ukka, aab aɗit Betpasi, Betani ele, Olipnu Qaukoppa daapiɗ, Nug aab aɗit amuppa tekkunu taata, appa nug he, nuhikuɗ ippunittak awak danab aɗit laa matte gokkulahnu a daaeheh, Nug amelahppa aum.

Luk 19:47

Nug anam hewowa amu Nug deɗ oh Kayaknu mettid lag ooppa noa, danab ah Kayak nai ippuanattom. Nug anam heehe amu, mana mettak danab okkai amu ɗo mehuqak danab am danab ah gumattak ikki ele ag ahan, Nug qeppeg mauhkkunu ib madippig.

Jon 18:2

Judas, nug Jesus kekeɗ eppelagppa meum ele, nug ele dad amu appa daye doyom. Aɗinu? Haen kuɗum Jesus Nug ippunittak awak danab ele ag dad amuppa qagmedappig.