Luk 21:25 - Nobonob Baibel

²⁵ Dimppa epponak keeke iɗu iɗu aam, kalam, hoɗoppai eleppa bekkulag. Wanppa amu danab ah wan anen anenppa ag yuppa duban okkai koɗkoɗ qeebeb amunu baɗan, dabmak kuɗum aoglag.

Luk 21:25 Referans Kwoze

Aisaia 13:10

Amu deɗ amuppa habppan hoɗopai ag amahlak ahilag ii wan mettamna. Am genab, habppa hoɗopai huu mak daatteb, ag amahlak ahilag wan ii mettamna. Aam bau bette am amahlak nuhig wan iinab mettama; kalam nuhig amahlak ele wan ii mettama.

Daniel 12:1

Amu haen amuppa Maikel, nug engel naɗi, nug na, Daniel, nug nahipad danab ah ehanadtte amu, nug aha uɗikku. Haen nug aha uɗikku, haen amuppa uug naunab daakku. Uug amubia deɗ laa wanppa ii neum. Uug amu bekku, amge nahipad danab ah oh, onilag bukppa yaak daatte ele, ag oh ehanittak aon, ena daaglag.

Aisaia 24:23

Yawe Nukka Ɠagattag Oh Ele, Nug uɗia, Sion qaukoppa Jerusalem appa, danab ah nuhikkud dilag ikki danab noolagppa danab ah gumattebeb, Nuhig binag amahlak oppiaawak ele am miagib daakku. Anam amunu, aamnu amahlak, kalamnu amahlak ele am geha keeke hamu bia daakku. Aam o kalam danab daalo, am nug uɗa nelo.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Aposel 2:19

Amu da heppi, habppa uɗat ɠagattagnab beppeg, wanppa dahilnu dabmettaknu kobol danab haknu elele iitta ele bekkulag. Kobol amuam inam; tiig, aab ewak, amu aab kah huanaknab tak ele daaglag.

Aisaia 51:15

Da am Yawe, da am ahilag Kayak. Da hei, yu eheɗnab koɗkoɗ qette,” awa atte. ⌊Laa anam maditte amu,⌋ Nug onig am Yawe Nukka Ɠagattag Oh Ele.

Mak 13:26

Keeke amu oh ba maleb, Danab Bekkalag da, da lombig ooppa ɠagattag okkai, amu binag amahlak oppiaawak ele uɗippippi danab ag da aniɗkkulag.

Mak 13:24

Jesus Nug anam ana, Nug nai baula aum. “Aria, haen amunu uug nau iitta meeb, aam ii amahalma, kalam ele ii amahalma,

Matyu 24:29

Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Sam 46:3

Yute uɗala, oqotti huan oa, hipaɗ qaaqa heeb, qauko uɗalkkutai, amge ig amunu ii baɗamta. Sila.

Mak 15:33

Anam heegeg ukke, aam ameg 12ppa gatatu na, wan amu oh tone ukke, aam ameg ewamppa batom.

Jeremaia 4:23

Amu da, Jeremaia, ⌊da tuleglegppa⌋ neekki ukke, da wan imu anidmi; amu wan am iɗu laa iitta anidmi. Keeke laa appa ii dayom ele anidmi. Amu da ele neekki ukke, hab anidmi, amu habppan amahlak laa ele ii dayom anidmi.

Aisaia 5:30

Amu haen amuppa kekeɗ ag uɗin, geha Juda wan heppeg nauhebeb, ag enan, muttub qekkulag. Amu oqottilag amuam yu duban qaaqa, koɗkoɗ qa uɗia, yu ihippa aoɗaɗa, oqotti otte amubia daakku. Amu danab nug neekkeb, Juda wanppa uɗieb amu, nug gatatu manak, atu nauhak ele anidkku. Ao, nug bud hinqak tona, aamnu amahlak qehakka dayebeb anidkku.

Matyu 27:45

Aria, aam ameg 12ppa gatatu na, wan amu oh tone ukke, tueb aam ameg ewamppa batom.

Maika 7:4

Danab amu oolagppanu laa, nug laa oh naunab hetteb bia ii hette, nug nakok ena hette; nug anam daatte, amge nug ele am nau, uud keeke qaun ele bia. Ao, danab amu oolagppanu laa nug danab nakok ena bia daatte, amge nug ele am nau, aɗ keeke qaun ele eppak, amubia daatte. Amu ahilag bu awaknu deɗ, ahilag gumak danab tutukku, ag appig bia, deɗ amu aakku paha uɗitte. Ao, deɗ Kayak Nug ag bu madakku amu, deɗ amu aakku uɗiom daatte. Gemu am ahilag kaaka aqeb oiyak haen.

Aisaia 17:12

O gadonnab gadon! Wan laala ohppan ban hak danab ag ⌊ig iqaglagnu⌋ uɗippeppeg, oqotti naɗi okku. Oqotti amuam yu duban huanaknab oqotti otte, amubia daakku. Ao, O gadonnab gadon. Danab wan laala ohnu uɗippeppeg, oqotti huanaknab ahakku. Oqotti amuam le okkai okkainab oqotti ahatte, oqotti am amubia daakku.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Luk 21:26

Geha danab ah kuɗum ag keeke wanppa bekku amunu dabmenana, ag oolag huan baɗeb, amelag uu edakku. Aɗinu? Habppan hoɗoppai ag uɗalnana, ag ippulag tutukku ii dim lamidmana.