Luk 21:22 - Nobonob Baibel

²² Aɗinu? Haen amu Kayak Nug ahilag eheɗ hak nob eɗua madakku. Kayak naippa nai amunu daatte amu, nai amunu meu bekku.

Luk 21:22 Referans Kwoze

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

Hosea 9:7

Israel dilag bu awak haen aakku uɗitte. Ao, ahilag noob awak haen aakku uɗitte. Israel danab ah ag amu doyeg! Ag Israel, ag hipunin kuɗum henana; ag Kayak, nuhikkud danab ele dilagnu kekeɗ mattan daatteb amunu, ag propet dilag, “Ag am ootot,” atteb. Ao, danab Kayak Ouɗi ehanatte, ag nai maditteb ele, ahilagnu ag, “Ag kaaka,” atteb.

2 Pita 3:7

Amubia Kayak oɗeppa hab wan ele gemu daattep amu, aa geha aab ewakppa daaglahnu aum daattep. Hab wan gemu daattep amu daapeɗ ukkeb, deɗ laa Kayak Nug danab ag Kayaknu nuhig haknu ele uuak danab daatteb epeɗiatteb padal mekkulag, deɗ amuppa hab wan ele gemu daattep am aab ewakppa daaglah.

Aisaia 63:4

Aɗinu da anam hemi? Danab aun aɗi ag eheɗ heppig ele amu, ahilag nob tutukku mattaknu deɗ uɗia malom. Ao, da danab ah ⌊dahilad⌋ qagaiettakppanu eɗua uhuqak hein madakkulnu haen aakku ba malom.

Aisaia 34:8

Aɗinu amu oh bekkunu daatte? Yawe Nug danab ah eheɗ hetteb ele, Nug ag eheɗ heppignu nob tutukku mattaglagnu haen tituanom daatte. Ao, Nug danab ah ag Juda danab ah eheɗ hadappig ele, Nug ag bu aoglagnu maɗ tituanom daatte.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Matyu 1:22

Keeke amu oh am propet laa Naɗi oɗe awa, nai mattiom, nai amu elele medakkunu beum. Propet nug inam aum.

Jeremaia 51:6

Ag wan laappan danab Babilon daatteb ag, ag Babilon uun ooleg! Ag mauhmananu ag Babilon uun, oolna laih ukkeg! Babilon hipunin heppig, diig amunu ag nauhkkulag. Ag nauhkkulag amunu, ag laa ag appa daappeg, Babilon ag ahilag hipuninnu nob amu aoppeg, ag laa ag ele Babilon beɗulagppa ag nob amu aon nauhmananu, ag appa aib daappig. Babilon danab ah ag hipunin heegeg uɗie, gemu ele heegeg, Yawe Nug eheɗ hak amunu nob tutukku madakkunu haen uɗiom daatte amunu, kekeɗ ag heppeg, Babilon nauhkku.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Duteronomi 32:43

Ag wanppan wan anen anennu danab ah oh, ag Yawenu danab ah ele maɗoɗppan gamag ahak doyeg! Aɗinu? Nug laa ag nuhig maɗi nid guittak madappig ele, Nug amunu nob tutukku madakku. Nug kekeɗ nuhikkud dilag eheɗ haknu nob tutukku madakku; amu Nug ele danab ah nuhikkud dilag eheɗ haknu nob nau tiigppa iitta mekkunu heeb elele metteb, Nug heeb, nuhig wan ele eɗua, nuhig neekkakppa oppiaawak daakkunu hekku.

Duteronomi 32:34

Amu Yawe Nug atte. “Ag anam hetteb, amge da ahilag nau hak amu doyen, noob madakkulnu iite bappaidmi daatte? Ao, da nob mak amu keeke danab kunup ɠagattagppa ina qe daatte, amubia da iite bappaidmi daatte?