Luk 21:20 - Nobonob Baibel

²⁰ Amge dimppa haen ag laa dilag daup ag uɗin, Jerusalem talilidppeppeg anidna, ag amuppa dooglag, aab okkai imu he nauhaknu haen aakku miag daatte.

Luk 21:20 Referans Kwoze

Luk 19:43

Amunu ag doyeg! Geha dimppa haen amu uɗieb, ahilag kekeɗ ag aqaglagnu uɗin talilidna, wan buuppeg teeb, ag aben ohppa ag oo mattan autnanab aona,

Mak 13:14

Anam amge, danab aun nug nai imu ebqette amu, nug meu nuhig tutukku aokkunu dabmaɗ! Ag keeke naunab laa, nug aab he nauhtte ele, ag keeke amu ii daalo, amuppa daatte anidkkulag amu, laa ag Juda wanppa daatteb, ag oolna qaukoppa ukkeg!

Daniel 9:27

Wan laappan okkai amu nug danab ah kuɗum, wan atu kuɗumppanu ele nug tituana nai qakkak hekkulag. Amu haen maha amu gamagppa okkai amu nug heeb, Israel danab ah ag mana mettak, ofa ele iɗu iɗu Kayak mettaglagnu elele iitta daaglag. Okkai amu nug anam ha, nug heeb, ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lagppa qabappeg daakku. Nug heeb, ag appa qabappeg, keeke amuam anam dayeb ukkeb ukkeb, Kayak ib attenppa danab okkai amu nauhkkunu ɗo laa meum amu, ib amuppa danab okkai amu nug nauhkku.” Gabriel, nug da, Daniel, da amelppa anam aum.

Luk 21:7

Nug anam a, ag Nug oɗ medappig. “Ippunittak danab, na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig keeke amu oh bekkunu miag daatte doognig?” aon appig.

Matyu 24:15

Aria, propet Daniel nug keeke naunab laa, nug aab he nauhtte ele amu, nug amunu yom. Danab aun nug nai imu ebqette amu nug meu nuhig tutukku aokkunu dabmaɗ! Aria, ag keeke naunab amu aben gun eleppa meppeg dayebeb anidna amu, laa ag

Hibru 11:30

Israel ag Kayaknu oolagppa genab dooppig amunu, ag Jeriko aabnu aɗ haen eblaih aɗit ele talilidna oin malaeg, aɗ pana na qeum.

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!