Luk 21:18 - Nobonob Baibel

¹⁸ Ag anam hekkulag, amge ag dahilad amu ag ikkilag uɗug laippu laa ii qettoɗma.

Luk 21:18 Referans Kwoze

Matyu 10:30

Laa ele amu, ag Mamelag, Nug ag ikkilag uɗug oh ebaqa malom

1 Samuel 14:45

Saul nug anam aum, amge daup laa ag appig. “Jonatan nug he, ig Israel, ig Pilistia lamadmut amunu, nug mauhkkute? Iittanab iitta! Kayak Nug Jonatan eppegppa gemu he, ig Israel ig ehanittak okkainab aomut amunu, Yawe Nug genab bau daatte, genab amubia laa nug keeke eheɗ laa Jonatan nuhigppa iinab ii hema,” aon appig. Daup ag anam appig amunu, kobol amuppa ag hena, Jonatan mauhak eppegppanu eɗun aoeg, Jonatan ii mauhom.

Aposel 27:34

amunu, da ag amelagppa dabmak maɗettaknu nai iikku attem. Ag ee laala aon lana, ɠagattag aweg! Doyeg! Ag oolagppa laippu laa nug ii mauhma,” awa aum.

Luk 12:7

Nug ag ikkilag uɗug oh ebaqa malom. Ag aib baɗappig. Ag ai naunau kuɗum, ag amu dilag daden oh eɗadna malappig.

2 Samuel 14:11

Nug anam a amu, ah nug aum. “O dahil king, anam dayeb, laa nug qe mauhak danab nob ma qeeb mauhkkunu daatte amu, nug amu hemanu na Yawe, nahip Kayak, na Nug onig aon, nahip nai ɠagattag qettan, am laa nug da bekkal qeeb ii mauhmanu akkutnu ool daatte,” awa aum. Nug anam a amu, king nug aum. “Yawe Nug genab bau daatte, genab amubia laa nug eheɗ nakok laa na bekkat beɗuppa iinab hema,” awa aum.

1 Samuel 25:29

Na am naɗi dahil, amu danab laa nug na gumitta doa, nug na nidakkunu hekkutai, amge Yawe, nahip Kayak, Nug geha na danab laa nug nuhig keeke ena ena atognotte bia atognoitteb, na ii mauhmana. Yawe Nug geha nahipnu anam hekku, amge geha Nug nahip kekeɗ amu aqeb, iitta mekkulag; danab nug men ketapolppa ma, e gotte bia, anamib Yawe Nug geha nahip kekeɗ geɗatteb, gona iitta mekkulag.

Luk 21:17

Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.