Luk 21:17 - Nobonob Baibel

¹⁷ Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Luk 21:17 Referans Kwoze

Jon 15:19

Ag wan imuppan danab ah wannu kobol dim lamadtteb ele laippu daalob, wan imuppanu danab ah amu ag ahilagnu ag lailkad bia doon, ahilagnu oolag mauhlob, amge ag wan imuppan danab ah amu ele laippu iitta. Da ag danab amu oolagppanu tituanatten, wan imuppanu kobol uuglagnu ag maadmi amunu, diig amuppa ag ahilagnu kekeɗ daatteb.

Luk 6:22

Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.

2 Korint 12:10

Anam amunu haen da Kristusnu uɗat hekkulnu amu da ɠagattag iitta, haen da Kristusnu uɗat hettem, danab ag amunu da eheɗ heiɗtteb, haen da Kristusnu uɗat hettem, da amunu uug digdig da beɗulppa doottem, amu haen da Kristusnu uɗat hettem, danab ag amunu heeg, da eheɗ daattem ele amu, da haen amuppa oolppa enanagnab doottem. Ao, haen da ɠagattag iitta daattem amu, haen amuppaib aakku da ɠagattagnab daattem.

Jon 15:21

Amge laa ag Mame, Nug da meiɗe uɗimi amu, ag Nug ii dootteb amunu ag, ag da onilppa oitteb doona, ag ahilagppa eheɗ hekkulag.

Revelesen 2:3

Da doottem, na da onilnu eheɗ laala na beɗunppa be doome; gemu ele doottem. Anam amge na uug doyaya eɗittaknuib dabmak awak kobol dim lamidna, na amuppa na gai-iitta ii meme.

2 Korint 4:11

Yo, ig bau daattem ele, haen oh ig bau daat, Jesusnu dabmak anuqak aot daautut, Jesusnu bau dayak ig mauhaknu beɗunig imuppa miag atiak bekkunu, danab ag ig iqappeg mauhkkunignu hetteb.

Jon 17:14

Nai nahip amu da ag mattai, amu danab ah wannu kobol dim lamadtteb ele ag dahilad imu dilagnu oolagppa nau ninig ele dootteb. Aɗinu? Da wanppan danab ah wannu kobol dim lamadtteb ele laippu iitta, amubia ag ele wanppan danab ah wannu kobol dim lamadtteb ele laippu iitta.

Mak 13:13

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Matyu 24:9

Anam amu haen amuppa laala ag ag aɗualadna, eheɗ hattanna, ag aqappeg mauhkkulag. Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

1 Pita 4:14

Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Matyu 5:11

Ag da dim lamiɗtteb amunu, haen danab ag amu dabmetteb, ag ahilagnu nai nau anana, ag eheɗ hattanna, nai hambuppuak kuɗumppa ag yaaladna hetteb ele amu, ag dahilad amu, ag itittak ena aoppig daatteb.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

Luk 21:16

Haen amuppa ag mamelkad, anilkad, awalkad, amalkad, lailkad, buɗulkad ele amu, ag geha ag diin, kekeɗ eppelagppa maadkkulag. Amu geha ag oolagppanu laala aqappeg mauhkkulag.

Luk 21:18

Ag anam hekkulag, amge ag dahilad amu ag ikkilag uɗug laippu laa ii qettoɗma.