Luk 21:15 - Nobonob Baibel

¹⁵ Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Luk 21:15 Referans Kwoze

Jeremaia 1:9

Yawe Nug anam awowa, Nug eppeg bahia, da oɗel lauɗitta, Nug da amelppa aum. “Da dahil nai na oɗenppa aakku memi.

Epesus 6:19

Ag da ehaniɗkkulagnu ele amu, ag Kayak Nug nai mattiak haenppa da oɗelppa nai meeb, da madikkulnu, amu Nug heeb, da baɗak iitta dayen, Kayaknu Nai Ena, tatam lokkumak dayom amu, da madikkulnu unuqitteg!

Luk 12:12

Aɗinu? Am aua amuppaib geha Kayak Ouɗi Nug ag aɗi akkulagnu ag ippuanatteb, ag amelagppa mattiglag,” awa aum.

Aposel 6:10

Am Kayak Ouɗi Nug doyak dabmak ena ele Stiven metta he, ag nuhig nai eɗidna, tabappeg nokkunu elele iitta.

Luk 24:45

Nug anam ana, Nug Kayak nai amu ag ag oolagppa tutukkunab genab maitteb dooglagnu ippuanattatta,

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Prowerb 2:6

Aɗinu? Yawe Nug doyak dabmak ena ele megatte. Ao, Nug oɗeppa ig doyak, amu diignu doyak tutukku ele aottem.

Aposel 26:28

Pol nug anam a amu Agripa nug Pol amegppa aum. “Nahip nai mattiak haen tutu imuppa da Kristen bekkulnu miag doottemte?” awa aum.

Aposel 24:25

Pol nug genab tutukku hak kobolppa oiyak amunu mehuqa, danab nug nukka nuhignu atognoa tutukku oikkunu, geha Kayak Nug danab oh epeɗiadkkunu nai ele mehuqeqe amu, Peliks nug nai amu doya, oo baɗe, nug Pol amegppa aum. “Gemu elele! Ahan ukke! Dimppa da haen ena laa dayeb amu, da geha baula dookkulnu na oninppa ekkul,” awa aum.

Aposel 2:4

Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

Esekiel 29:21

Yawe Nug ele atte. “Haen da amu hekkul amu, haen amuppa da Israel danab ah ɠagattag madakkul. Da anam heinne, da heppi, na ag oolagppa daanna, dahil nai mehuqkkut. Da anam heppi, Israel ag dooglag, da am Yawe,” awa aum.

Luk 21:16

Haen amuppa ag mamelkad, anilkad, awalkad, amalkad, lailkad, buɗulkad ele amu, ag geha ag diin, kekeɗ eppelagppa maadkkulag. Amu geha ag oolagppanu laala aqappeg mauhkkulag.