Luk 21:12 - Nobonob Baibel

¹² Amge haen keeke amu oh ii bebeppeg, geha danab laa ag ahan, ag dahilad amu, ag eppelagppa ag aɗualadna, ag eheɗ hattana, nai doyak lakka appa dimulag mena, diin maniguittakppa maadkkulag. Da onil ahilagppa daatte amunu, ag diin king, gawana ele noolagppa maadppeg, hettoɗiadkkulag. Da onil ahilagppa daatte amunu, ag kobol amu ahilagppa hekkulag.

Luk 21:12 Referans Kwoze

1 Pita 2:13

Ag Naɗi Jesusnu dabmak anuqak aona, ag gabman eppeg laih laih oh, Kayak maattom daatteb waalagppa dayeg! Amuam king, nug am okkainab, laa oh eɗattak daatte,

Aposel 22:30

Ag anam heeg, wagɗe deɗ amuppa daup ikki anuqak nug Juda ag Pol beɗuppa nai yaan heppig, amu diig dookkunu nug Pol senppa qagappig amu uhuqowa, nug nai me ukke, mana mettak danab okkai amu Juda dilag hettoɗiak okkai onig Sanhidren, amunu danab oh ele qagmeeg, nug Pol omala doa, ag noolagppa he hibaittom.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

Aposel 8:3

Amu Saul nug aha, Kristen tamaniak heeb iitta mekkunu uug madatta, nug ukka lag lag oiyaya, Kristen danab amu ah ele diia ukka, maniguittakppa inattom.

Aposel 5:40

Gamaliel nug anam a, ag nuhig nai dim lamidna, totol danab 12 ii aqappig, amge ag diin ag, laa ag bu qaun eleppa eheɗ mataɗattona, nai Jesus onignu amu ii mattimnanu haknunab nai ag amelagppa awona, heeg goppig.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Matyu 22:6

Laala ag anam heppig, amge laa oh ag kingnu maɗi nid aɗualadna makkuɗadna, aqaeg mauhppig.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Matyu 24:8

Kobol amu oh am nid dokkunu ah ag guittak tatam dootteb, amubia aakkuib.

Luk 21:11

Aben laalappa amu mim okkai nebeppeg, enug haen okkai amu oɗe haen naɗi ele bekkulag. Habppa amu epponak keeke okkai okkai, amu baɗaknu keeke digdig ena iitta ele bekkulag.

Jon 15:21

Amge laa ag Mame, Nug da meiɗe uɗimi amu, ag Nug ii dootteb amunu ag, ag da onilppa oitteb doona, ag ahilagppa eheɗ hekkulag.