Luk 20:7 - Nobonob Baibel

⁷ Ag akka anam ana, ag Jesus aum amu nob mena appig. “Ig ii doottem,” aon appig.

Luk 20:7 Referans Kwoze

2 Pita 3:3

Amu ag tatam inam dooglagnu, daulagppa dokkunu ele amelagppa attem. Gog tak haenppa eheɗ hak danab laa ag bekkulag. Amu ag beɗu kobol eheɗ ahilag dim lamidna, kobol ena genab amu aon aon qettana imidkkulag.

Jon 9:39

Danab nug anam he, Jesus aum. “Da amelag gaɗuak ag eɗun neegkkulagnu, amelag ena ele ag eɗun amelag gaɗuak daaglagnu, da wan imuppa epeɗiak hekkulnu uɗimi,” awa aum.

Sekaraia 11:17

O gadonnab gadon! Danab okkai amu, nug sipsip pehettak ii gumadtte, nug genab bu okkai aokku. Qep elab nug eppeg okkuleb, nug ameg naɗiap ele yaakku. Ao, nug eppeg am aakku nauhak dayebeb, nug ameg naɗiap ele gaɗuak daakku.” Yawe Nug anam awa atte.

Sekaraia 11:15

Da amu hei, Yawe Nug da amelppa aum. “Aria, gemu na gona, sipsip gumak danab dabmak tutukku iittappa keeke hette, na amunu ippu he!

Aisaia 44:18

Danab ag anam hetteb ele, ag dabmak iitta. Ag keeke laa ⌊unuqagnu⌋ diignu doyak tutukku iittanab. Aɗinu? Ag danab nug ameg hautaknab, keeke iinab anidtte, ag amubia keeke genab anidna dooglagnu elele iitta. Od manak dayeye, danab nug lag ooppa gokkunu ib iitta, amubia dabmak tutukku ahilag dabmakppa gokkunu ib iitta amunu, ag diignu doyak tutukku laa aoglagnu elele iitta.

Aisaia 41:28

Yawe Nug anam awowa, Nug kayak hambuppuak dilagnu ele aum. “Da neekki ukke, laa ulum nai meɗakkunu ii anidmi. Laa nug oɗmak dahilnu nob meɗakkunu ele iitta.

Aisaia 29:14

Ag anam hetteb amunu, da baula kobol okkai okkai, danab hekkunu elele iitta, da kobol amu heppi, danab ah imu ag ottaikkulag. Da anam heppi, danab doyak, dabmak ena ele, ahilag doyak, dabmak ena ele amuam iitta mekku. Ao, da heppi, danab ag doyak okkai ele, ahilag doyak okkai am iitta mekku, baula ii daama.” Yawe Nug anam atte.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Luk 20:6

Amge ig, ‘Danabnu keeke,’ apput am, geha danab oh ag Layattak Jonnu, nug am propet oolagppa genab dootteb amunu, ag menppa iqaglag,” aon appig.

Luk 20:8

Aeg am Jesus Nug amelagppa aum. “Aakku amunu, da ele ɠagattag aɗippa uɗat hettem amu appi ii doomna,” awa aum.