Luk 20:46 - Nobonob Baibel

⁴⁶ “Ɗo mehuqak danab ag lamen elab enanag ele takkan, danab ah noolagppa oiglagnu oolag he, ee oɗiak abenppa danab ah ag humadkkulagnu, ag nai doyak lakka, hobul haenppa ele ag aben anuqakppa daaglagnu oolag mauhtte, amge ag dahilad amu, ag ahilag kobol amubia hemananu dabmeig!

Luk 20:46 Referans Kwoze

Luk 11:43

O gadonnab gadon ɗo gumak danab-Parasia, ag dabmeig! Ag nai doyak lakka aben anuqakppa daaglagnu, ee oɗiak abenppa danab ah ag humadkkulagnu oolag mauhtte.

Luk 14:7

Aria, haen Jesus Nug danab ag hobulppa uɗippig, Nug ag balalppa daaglagnu ag balal anuqak tituanattegeg anatta, Nug keeke danab ag dootteb ii dootteb ele ouaqata ippuanatta, nai mattiaya amelagppa aum.

Luk 12:1

Haen danab ah ameg tausen kuɗum ag qagmena qataiettan, laala ag akka akka nug baeg tappan daaegeg amu, Jesus Nug tatam nuhikkud ippunittak awak danab amelagppa aum. “Ag ɗo gumak danab-Parasia dilag yisnu dabmeig! Da ahilag hambuppuak kobolnu attem.

Matyu 16:6

Ag anam gona tewona amu, Jesus Nug ag amelagppa aum. “Ag ɗo gumak danab-Parasia amu ɗo gumak danab-Sadyusi ele dilag yisnu dabmeig!” awa aum.

3 Jon 1:9

Da nai laa yen Kristen tamaniak mettami, amge Diotrepes, nug nukka keeke ohnu beɗu hume anuqtte, nug da oɗel dab-ii-medatte.

2 Timoti 4:15

Na ele nuhignu dabmena autna awe! Aɗinu? Nug ihinig nai tappeb na autanab aokkunu dabma heum.

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Mak 8:15

Amu Jesus Nug ag amelagppa nau aomanu nai imu aum. “Ag ɗo gumak danab-Parasia amu Herot ele dilag yisnu dabmeig!” awa aum.

Matyu 23:1

Dimppa Jesus Nug danab ah kuɗumnab appa daappig, amu nuhikkud ippunittak awak danab ele amelagppa aum.

Luk 20:47

Ɗo mehuqak danab ag anam henana, ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag,” awa aum.