Luk 20:22 - Nobonob Baibel

²² amunu, na keeke imu appe doognig. Na attem doottem? Ig takis Sisar mettagnig am kobol tutukku o kobol tutukku iitta?” aon oɗ medappig.

Luk 20:22 Referans Kwoze

Nehemaia 9:37

Ig hipunin hemut amunu, king laa ig gumigkkulagnu na maadme amu, ag wan imuppan ee wak okkai, ag aotteb. Ag ig gumignana, ihinigppa, ihinkad doɗ manan ele amu, ag aɗi aɗi hekkulagnu oo hak ahilag dim lamidna hetteb. Uug okkainab tonikke, ig nauhmut daattem.” ⌊Esra⌋ anam unuqittom.

Aposel 5:37

Amu Teudas onig iitta me, nug heum bia haen gabman nug danab ah onilag yeeye, Galili ted Judas nug aha, danab ah laala biilagppa ya he, ag nug dim lamitteg gona, Rom dilag gabman lamidkkulagnu ban heppig. Amge nug ele qe mauhe amu, danab oh nug diie oippig ele ag matatun goppig.

Matyu 17:25

Ag anam oɗ mettaeg amu Pita nug, “Yo,” awa aum. Nug anam ana, lag ooppa no, amu Jesus Nug tatam Pita oɗ mettom. “Saimon, na attem doottem? Wan imuppanu king ag aun toppanu takis aotteb? Ag bekkalkad, amu dilagppa aottebte? O iitta danab ah gumadtteb ele, ag amu dilagppan aottebte?” awa aum.

Nehemaia 5:4

Laa amu ag anam appig, amge laa ag inam appig. “King nug wan ihinkadnu takis mekkunignu, nug ihinkad grep dadnu ele takis mekkunignu aum amunu, ig men doɗo amu aot mettagnignu, ig Juda dilag okkainu lon aot medattem,” aon appig.

Esra 9:7

Ig mamenkad aɗi dilag haenppa digmeta heut uɗie uɗie, gemu ele ig hipunin hetata oittem amunu, ig beɗunigppa aab naɗi daatte. Ig hipunin kuɗum hemut amunu, wanppan wan laalappan king ag ig, ihinkad king, ihinkad mana mettak danab ele, ag ig qep elabppa iqaeg mauhmut. Ag ig aɗikkeg, ig ag eppelagppa daamut. Ag uɗin, ban hena, ihinkad keeke aon goppig. Ag heeg, ig uɗa nak nau ele daut uɗie, gemu ele ig anam daattem.

Esra 4:13

Ig doottem, ag aab imu bappaidna, aabnu aɗ ele bappaidkkulag dayeb, danab amu ag hib guitta hena, ag nahip takis, en takis bia mettak ele ii mettamna amunu, na men doɗo gemu aottem bia tuɗidna ii aomna. Nahip men doɗo awak am honap nekku. Ig amu doottem amunu, na king, na ele imu dookkutnu daattem.

Duteronomi 17:15

Am anam daakku dayeb amu, Yawe, ahilag Kayak, Nug ahilag king otieb, abenppa mekkulagnu dabmetteg! Israel ted laa mekkulagoitte. Ag wan laihnu danab aib meppig.

Luk 20:21

Ag inam oɗ medappig. “Ippunittak danab, ig doottem, nahip nai mattiak, nahip ippunittak ele am tutukkuib. Na danab okkai onig ele o danab onig iitta, na amu dabmenan ii madittem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Luk 20:23

Amge Jesus Nug ahilag ameg qakkak oɗmak amu matu doyom amunu, nug amelagppa aum.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Rom 13:7

Aria, ag keeke iɗu iɗu gabmannu danab mattaglagnu daatte amu, ag mattaglag. Gabmannu takis awaknu danab, ag amunu men doɗo aoglagnu dayeb amu, ag amu matteg! Ag danab laanu ena elele dooglagnu daatte dayeb amu, ag aakku nuhignu anam doyeg! Amu ag danab laa binag mekkulagnu daatte dayeb amu, ag nug binag metteg!