Luk 20:11 - Nobonob Baibel

¹¹ Am dad mameg nug maɗi nid laa he, dad uɗat danab gumatta ukkom, amge ag nug ele makkuɗna, kobol eheɗ laala nuhigppa hena meeg, eɗua hamu ukkom.

Luk 20:11 Referans Kwoze

1 Tesalonaika 2:2

Ag dootteb, haen ig ag gumadta ii gomut, Pilipai appa amu ig guittak aomut, ag ig beɗunig heeg nauhom, amge ig ihinig Kayak, nuhig ehanittakppa, ig ɠagattag daata, wagai meta, nuhig Nai Ena ag Tesalonaika daatteb ele, ag amelagppa mattimut. Tesalonaika appa ele danab kuɗum ag ig ippunig oo neegkkulagnu heppig, amge ig amunu ii dabmemut. Iitta. Ig nai mehuqmut.

Aposel 7:52

Amu propet aun laa dayom, ag mamelkad aɗi ag nug eheɗ iite hedappig? Laa iitta. Anukka propet ag Genab Tutukku Hak Danab uɗikkunu nai amu mehuqegeg, ag mamelkad aɗi ag ag aqatteg mauhppig. Aria, Genab Tutukku Hak Danab Nug uɗie, ag gemu daatteb amu, ag Nug aon, kekeɗ eppelagppa mena heeg, Nug mauhom.

Hosea 10:1

Israel danab ah ag am en kuɗum ele daappig. Ao, ag am grep muɗi ena meu huana oa daatte, ag amubia daappig. Ag keeke kuɗum ele tuɗidna aon daan; ag keeke amu kayak laa madappig. Ag ee huanak aonna, ag men doɗo ele huanak aona; ag men doɗo amuppa men gappi, amuam kayak hambuppuak ahilkad amu, ahilag neekkak ena daaglagnu hena bappaidppig.

Mak 12:4

Eɗua ukke amu dad mameg nug maɗi nid laa me ukke, dad uɗat danab ag danab amu ikki ona, kobol eheɗ laala ele nuhigppa heppig.

Luk 20:10

Am nug appa dayeye, grep meu awak haen be, nug maɗi nid nuhig me, grep meu laih nuhig aokkunu dad uɗat danab gumatta ukkom, amge dad uɗat danab ag maɗi nid amu makkuɗna meeg, eɗua hamu ukkom.

Luk 20:12

Aria, nug maɗi nid laa me ukkom. Amu ag ahan qena, guittak okkai mettona, aon dad dimittim buɗieg ukkom.