Luk 2:37 - Nobonob Baibel

³⁷ Anam daayya, nug gamu mauhe, qab ma, hamu maɗ 84 dayaya, nug Kayaknu mettid lag ii uuttom. Nug ee ohnu kud ma dayaya, unuqittatta, tuqan amun ele Kayak noobppa dup noa binag maama dayom.

Luk 2:37 Referans Kwoze

1 Timoti 5:5

Ah qab nug genab nukka baeg laippu daatte, nug Kayak ehanidkkunu dabmak aɗa dayaya, tuqanppa amunppa ele unuqidtte.

Aposel 14:23

Anam heyaya amu, aa Kristen tamaniak amu ohppa ikki danab laala otiadya maadpiɗ. Aa ee ohnu kud meya daayya unuqidyaya, aa Kristen tamaniak amu oh diiya, Naɗi, ag nuhignu oolagppa genab dooppig ele amu, Nug eppegppa maadpiɗ.

Sam 23:6

O Yawe, da doottem! Nahip ena hak, amu nahip oo mauhaknab kobol ele am dahilppa dayebeb ukkeb, da mauhkkul. Na tuqana ii aomna, amu da na, Yawe, na lautppa hanhan daakkul.

Sam 27:4

Keeke laippu laa aakkuib da Yawe, da Nug meɗakkunu oɗ medakkulnu heinne daattem. Yo, keeke laippu aakkuib, da aokkulnunab ool daatte. Keeke amuam, da bau daattem haenppa, da Nug laugppa dayeye, da haen oh, anttak enanag nuhig andette daakkul. Ao, da Nug laugppa da Yawe antten dim lamidkkulnu Nug madikkul.

Aposel 13:3

Aria, ag tuɗidna ee ohnu kud mena daan unuqittona, ag eppelag qaɗelahppa mena heeg, aa ahai gopiɗ.

Aposel 26:7

Israel dilag huu okkai 12nu danab ah, da ele ag oolagppanu laa aakku, ag oolag unuqagppanu Kayak noobppa dup nona binag amun tuqan ele menana, ag Kayaknu nai qakkak amu gogppa tekkunu dabmak aɗan ameg mena daatteb. O king, dabmak aɗa ameg ma dayak amunu, Juda ag da eheɗ heminu atteb.

Sam 22:2

O dahil Kayak, deɗ oh amunppa da nahipnu ettem, amge na oɗelppa ii aottem. Yo, tuqan oh da unuqidttem, amge da oo mak laa ii anidttem.

Revelesen 7:15

amunu, ag Kayaknu sia king noobppa hippaidna daatteb. Ag nuhig mettid lag ooppa tuqan, amun ele Nug waappa daanna Nug oɗe dim lamidtteb. Laa Nug sia king ⌊anuqak,⌋ appa heɗep neum daatte ele amu, Nug ag ele daan, atognoadkku

Revelesen 3:12

Aun laa nug ban eɗidkku amu, da nug dahil Kayak, nuhig mettid lagppa anuqak laa meppi daakku; nug haen oh lag uua dimittim ii wama. Da nug qaɗeppa dahil Kayak onig amu dahil Kayaknu aab okkai onig ele yaakkul. Aab okkai amuam Jerusalem bau, am dahil Kayak toppanu attannu nette. Am da onil bau ele nug qaɗeppa yaakkul.

Luk 5:33

Amu laala ag Jesus amegppa appig. “Layattak Jonnu ippunittak awak danab ag am deɗ kuɗum ee ohnu kud mena daanna, hanhan unuqidtteb. Amu ɗo gumak danab-Parasia dilag ippunittak awak danab ag ele anamib hetteb, amge ippunittak awak danab nahipad ag amu anam ii hetteb, ag hamu ee le ele latteb,” aon appig.

Sam 84:10

Deɗ laippu na guguitta dayaknu am enanag. Deɗ 1,000 atu laih adekku dayaknu am enanag iitta! Da Kayaknu mettid lag, da amuppa od gumak danab aakkuib daakkul am enanag. Da nau hak danab ele daat, keeke ena ena ele aɗat oignig, amuam eheɗ, am nau.

Sam 84:4

Laa ag na lautppa daan, ag hanhan ahi ettanna, na binan metteb ele amu, ag itittak ena aoppig daatteb. Sila.

1 Samuel 2:2

Laa nug oppiaawak, Yawe daatte bia, laa nug amubia ii daatte. Kayak laa ii daatte. Ihinig Kayak Nug kekeɗ ig nikkamanu ehanittak ihinig daatte, laa nug anam bia ii hette.

Eksodas 38:8

Ag amu hena, ag tappiɗ okkai, nug baeg ele brasppa heppig. Ag amu hekkulagnu bras aoppig ele amu, ag ah ag mettid haknu peh lag danab ah appa qagmetteb ele, ag lag amu odppa daanna, danab ah uɗitteb ele ehanadtteb amu, ag lettod brasppa hak ahilag mattaeg akkan, aon uɗieg, doyak danab ag amu aon, ag bras amuppa keeke amu heppig.

Sam 92:13

Ag am ad laa aben enanagppa eppaeg ba auta aotte, amubia ag Yawe laugppa daan, ena betteb. Ao, ag ihinig Kayak laugppa enaib daatteb.