Luk 2:13 - Nobonob Baibel

¹³ Engel nug amelagppa ana male, pahanab Kayaknu engel kuɗum hab aabppanu neeg, moitan daanna, ahi ettana appig.

Luk 2:13 Referans Kwoze

Revelesen 5:11

Aria, da baula neekke, daul hume, engel tausen kuɗumnab amu milion kuɗumnab ele ag sia king ⌊anuqak⌋, hab daup waɗele Kayaknu bauklel aotteb ele, ikki danab ag ele oo mattan taliliadna daaegeg, baalag doyen anadmi.

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Sam 148:2

Nuhikkud engel, ag Nug binag meig! Ao, hab daup oh, ag Nug binag meig!

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Daniel 7:10

Le noa gotte, amubia Nug dayomppa aab aɗu le bia, noa ukkom. Engel tausen gane ag Nug ehanidna daaegeg, milion gane ag Nug noobppa daappig. Nug he, laa ag hettoɗiakppa epeɗiak danab daaglagnu daappig ele, ag heɗep nena daaegeg, ⌊ag epeɗiak uɗat hekkulagnu⌋ laa buk kolattom. ⌊Buk amuppa danab ah ag attem attem wanppa daanna heppignu nai am daatte.⌋

Luk 15:10

Amunu da ag amelagppa attem. Amubia am hipunin danab laippu laa nug oo eɗutte dayeb amu, Kayaknu engel ag maɗoɗppan gamag ahak dootte,” awa aum.

Job 38:7

Haen laa amu heum amu, haen amuppa hoɗoppai buttuanab amahaltteb ele, ag ahi ettaeg, engel ele ag gamag ahak naɗinab doon eppig.

Sam 68:17

Kayak Nug bannu karis huanaknab ele; bannu karis amuam ebqaknu elele iitta. Naɗi Nug bannu karis amu oh Sinai qaukoppanu diie, ele uɗin, Nug nuhig mettid lag ooppa noum.

Epesus 3:10

Kayak Nug dabmak inam awom. Gemu Kristen tamaniak ooppan danab ah amu, ag nuhig doyak dabmak ena ele digdig kuɗum am miag atippeg, ikki danab, amu danab ag gumaknu ehah ele, ig danab ig ag ig amenigppa anidkkunignu elele iitta, ag ohnab dooglag.

Genesis 28:12

Niiaya, tuqan tulppa nug adqaɗ laa anttom. Adqaɗ amu diig wan ya ukka, hab aabppa tak dayeye anttom. Dayeye, Kayaknu engel ag adqaɗ amuppa nenan tenan daappig.

Esekiel 3:12

Yawe Nug anam a, Ouɗi da humiɗe, da dimulppa baag oqotti okkai ele laa nai inam mattie doomi. “Yawe Nug hab attan daatte, Nug binag amahlak oppiaawak ele. Ig Nug binag metu!” awa aum.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

Luk 2:12

Ag Nug anidkkulagnu epponak keeke amu inam. Nug anig Nug lamen elabppa ehakka, doɗ dilag ee lanak taɗaɗ ooppa me niitte,” awa aum.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.