Luk 19:43 - Nobonob Baibel

⁴³ Amunu ag doyeg! Geha dimppa haen amu uɗieb, ahilag kekeɗ ag aqaglagnu uɗin talilidna, wan buuppeg teeb, ag aben ohppa ag oo mattan autnanab aona,

Luk 19:43 Referans Kwoze

Esekiel 26:8

Nug nuhikkud daup ele ag uɗin, ag tatam aab naunau Tair guguittak yu ihippa daatteb eɗadna, amuppan danab ah qep elabppa aqappeg mauhppeg, ag uɗin, Tair aabppanab ban hekkulag. Nebukatnesar nug heeb, nuhikkud daup ag aab talilidna daanna, ban hekkulagnu keeke bappaidnana, ag wan buun, aon gona gokkaɗppeg taata, aɗnu laih ag gokkaɗtteb, appa aɗ eleleppa teeb, nuhikkud daup eheɗ kuɗumnab ag guppiɗ aɗan, ag ag Tair ele ban hekkulag.

Esekiel 4:2

Na dottog amu hewona, na kekeɗ ag aab amu eɗadkkulagnu henana, ag oo mattan aqaknu maadna daaglag, na amubia hena, aab ooppan danab ag dimittim dokkulagnu ib oo nena, na wan buuak ele aon, nakok uma wanppa digmena, na wan buuak amu meppe taata, ab dottog amu aabnu aɗ ikki elele mena, na kekeɗ dilag haen tutu dayaknu aab kalaknu dottog aab amu talilidna mewona, danab ag aabnu aɗ ad imuag okkaippa yaaeg nauhtte ippu hak haknu, na ad amubia aab dottog talilittak ele me!

Aisaia 37:33

Anam bekku amunu, Yawe Nug Asiria dilag kingnu inam atte. “King amu nug aab okkai Jerusalem imu ooppa ii uɗima. Nug lat doɗo ele eeb, ippa ii uɗima. Nug guppiɗ aɗa aab okkai imu ele ban hekkunu ii uɗima. Nug ippa uɗia heeb, nuhikkud daup ag aab imunu aɗ letaglagnu wan aɗ dimittim qagmebeppeg ii tema.

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.

Eklisiastis 9:14

Kaya amuam inam. Haen laa aab nakok okkai laa dayom. Danab ah kuɗum aab amuppa ii daappig. Ag kuɗum ii daaegeg, atu laihppan king ɠagattag ele nug nuhikkud daup ele ag banelag uɗin, aab amu oo mattan aqaknu maadna daan, ag aab amu aoglagnu babaittak uɗat naɗinab heppig.

Luk 19:42

Nug aum. “O gadon, ag maɗoɗ daaglagnu ib ii dootteb. Uug awak haen ahilag am miagnab, amge ag attemun maɗoɗ daaglagnu ib amu anidlob, ag uug amu ii anidlob, amge ib amuam ag amelagppa lokkumak daatte.