Luk 19:37 - Nobonob Baibel

³⁷ Aria Jesus Nug ukka, ib laih Olipnu Qauko amu eɗitta no, appa nuhikkud ippunittak awak danab kuɗum laa ele ag oh nuhignu gamalag ahom. Aɗinu? Nug kobol danab hekkunu elele iitta kuɗum he anidppig amunu, ag baalag okkaippa enan Kayak binag humappig.

Luk 19:37 Referans Kwoze

Matyu 21:1

Aria ag gona, Jerusalem gukkuidna, ag aab Betpasi, Olipnu Qaukoppa dayom, ag aab amuppa tekkulagnu tenana, appa Jesus Nug ippunittak awak danab aɗit laa maate gokkulahnu a daaeheh,

Luk 19:20

Amu maɗi nid laa nug uɗia aum. ‘Naɗi, nahip mina laippu ina daatte. Da lamen qatti laa ooppa iten mei dayom.

Luk 18:43

Anam aawo, geha aakkunab danab amu ameg obate, neekka aha, ibppa Jesus dim lamittatta, Kayak binag meum. Haen danab ah ag amu anidna, ag ele Kayak binag meppig.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Mak 14:26

Nug anam a amu ag ahi laa ettona, ag ahan, dimittim wana, Olipnu Qaukoppa goppig.

Mak 13:3

Aria, Jesus Nug aakku Kayaknu mettid lakkanu aha noa, Olipnu qaukoppa ta, heɗep na dayeye amu Pita, Jems, Jon amu Andru ele ag akka gumidna gona,

2 Stori 29:36

Hesekaia, danab ah oh ele ag eɗun, Yawe waappa daaglagnu dabmeppig, ag Nug laugppa amu hena, Nug laugppa doɗ manadna, Nug medappig amu, ag keeke amu oh paha heppig, ag qinonob ii heppig amunu, Kayak ehanatte, ag amu heppignu gamag ahak okkai dooppig.

1 Stori 15:28

Anam aakku ag gona, Yawenu Tituanak Nainu Kunup kontrak inak ele aon uɗinna, ag enana, ag musik haknu keeke doɗ qeqeɗippa hak, trampet ele iwalnana, ag simbal hena, laia, harp ele qeppig.

Luk 19:29

Nug ukka, aab aɗit Betpasi, Betani ele, Olipnu Qaukoppa daapiɗ, Nug aab aɗit amuppa tekkunu taata, appa nug he, nuhikuɗ ippunittak awak danab aɗit laa matte gokkulahnu a daaeheh, Nug amelahppa aum.

Luk 19:36

Am Jesus Nug donki attan ugekke, danab ah ag lamen ulahnu ahilkad ibppa duqadppig.

Jon 12:18

danab ah laala ag Jesus Nug Kayak dabmettaknu kobol danab haknu elele iitta amu heum, ag nai amu dooppig amunu, ag Jesus uɗa tekkulagnu goppig.