Luk 19:27 - Nobonob Baibel

²⁷ King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Luk 19:27 Referans Kwoze

Luk 19:14

Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Hibru 10:13

Amu Kayak Nug kekeɗ nuhikkud Nug waappa maadkkunu haen amu ameg meum daatte.

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.

Luk 21:22

Aɗinu? Haen amu Kayak Nug ahilag eheɗ hak nob eɗua madakku. Kayak naippa nai amunu daatte amu, nai amunu meu bekku.

Nahum 1:8

Yawe Nug nuhikkud dilagnu anam hette, amge ui naɗinab na, keeke he nauhtte, amubia Yawe Nug heeb, Niniwe nauha auta autanab aokku. Ao, Yawe Nug kekeɗ nuhikkud lamattebeb, ag gatatuppa wakkulag.

Luk 20:16

Nug inam hekku. Nug aha ukka, dad uɗat danab amu oh aqeb mauhppeg, nug grep dad amu eɗua awa, danab laala eppelagppa mekku,” awa aum. Am Jesus Nug nai amu mattie, danab ah ag doyona, ag appig. “Keeke anam amu aib beum!” aon appig.

Nahum 1:2

Yawe Nug nuhikkudnu, dahil doya laa aomanu doyak aɗa daya, nuhikkud kekeɗ bu madatte. Ao, Kayak Nug laa eheɗ hetteb ele dilagnu oppoɗi bak doyaya, Nug bu tutukku madatte. Nug laa ag nuhignu, “Ihinig kekeɗ” dootteb ele amu, Nug ag nob tutukku madatte. Ao, Nug nuhig kekeɗ dilagnu oppoɗi bak okkai doyaya daatte.

Aisaia 66:6

Doyeg! Aab okkai Jerusalemnu oqotti okkai ahatte. Yawenu mettid lagppanu oqotti okkai uɗitte. Am aɗi oqotti? Oqotti amuam Yawe Nug nuhig kekeɗ ag eheɗ heppignu bu elele aakku madatte.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Aisaia 66:14

Yawe Nug ahilagnu keeke oh hekku amu, ag anidna, ag oolag gamag eheɗnab ahakku. Ag am enanag, gikkiɗah ena bia, daaglag. Danab ag amu anidna inam dooglag; Yawe Nug laa ag Nug dim lamidtteb ele, ag am nuhikkud maɗi nid maɗi ah amu, Nug ag ehanadtte, amge Nug kekeɗ nuhikkud dilag amu oppoɗi bette.

1 Samuel 11:12

Israel ag Amon anam eɗattona, ag gona Samuel amegppa appig. “Aun aɗi ag Saul nug ihinig king daakkunu uuppig amu, na omaladppe uɗippeg, ig aqapput mauheg!” aon appig.

2 Samuel 23:7

Danab aun nug uud keeke qaun ele ehalkkunu hette ele amu, nug keeke aenppa hakppa, o banppa ehaltte. Keeke qaun ele amu, ag adeppa daatteb, amuppaib laa nug amote ewa, iitta mette.” Dawit nug anam aum.

Sam 109:20

Danab ag nai nauppa yaaiɗtteb amu, Yawe Nug ag nob anam madakkunu ool daatte. Ao, laa ag dahilnu nai nau maditteb amu, Nug anam hekkunu ool daatte.