Luk 19:21 - Nobonob Baibel

²¹ Aɗinu? Da na anidttem, na danab ɠagattag. Danab laa nug keeke me daatte amu na aona, danab laa ee ebatte amu, na amunu meu ele aottem. Amunu da nahipnu baɗami,’ awa aum.

Luk 19:21 Referans Kwoze

1 Jon 4:18

Baɗak nakok laa ⌊Kayaknu⌋ oo mauhakppa ii daatte. Aɗinu? ⌊Kayaknu⌋ oo mauhak elelenab daatte, amu oo mauhak amuam baɗak lamidtte. Nob nau aokkunu doyak am he, danab nug baɗatte, amunu danab nug anam baɗatte amu, ⌊Kayaknu⌋ oo mauhak ⌊elelenab, amunu diignu doyak tutukku⌋ am danab amu ooppa elelenab ii meum.

Jems 2:10

Aɗinu? Danab laa nug ɗo laa oh dim lamidtte, amge ɗo laippu tippaltte amu, ⌊danab ɗo oh tappaladtte bia,⌋ nug ɗo tappe nak danab daatte.

2 Timoti 1:7

Kayak Nug ig Jesusnu oonigppa genab doottem ele, Nug nuhig Ouɗi ig mekkom, amu nuhig Ouɗi Nug danab nug baɗa nukka nuhignuib dabmak aotte, Nug dabmak amu ig ii mekkom. Iitta. Nug ig ɠagattag daagnignu, ig oo mauhak doognignu, amu ig dabmak pehettak awaknu ehah ele aognignu, Nug dabmak amu oh ig mekkom.

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

1 Samuel 12:20

Ag anam appig amge Samuel nug aum. “Ag aib baɗappig! Genab, ag eheɗ amu oh heppig, amge ag tuɗidna, Yawe aib dimedappig. Iitta. Ag meulag ohppa Nug waappa daan, Nug oɗe dim lamitteg!

Luk 19:20

Amu maɗi nid laa nug uɗia aum. ‘Naɗi, nahip mina laippu ina daatte. Da lamen qatti laa ooppa iten mei dayom.

Luk 19:22

A amu king nug nid amu amegppa aum. ‘Na maɗi nid nau, bodoettaknab. Da na nakka nahip nai amuppa na epeɗidkkul. Amu genabnabte da am danab ɠagattag daayi, na doome? Amu genabnabte keeke danab laala meeg, da aottem amu danab laala ee eppaeg, da meu aottem, da anam heiyi doomete?