Luk 19:17 - Nobonob Baibel

¹⁷ ‘Na maɗi nid ena, na uɗat enanag heme, na keeke nakoknab oo metta ii uuak kobolppa dabmettan autna aome amunu, gemu da na aab okkai 10 gumadkkutnu ɠagattag medattem,’ awa aum.

Luk 19:17 Referans Kwoze

Luk 16:10

Am danab laa nug keeke nakok dabmedakkunu oo metta ii uuak kobolppa dabmedatte amu, aria geha nug keeke okkai ele oo meta ii uuak kobolppa dabmedakku. Amu danab nug keeke nakokppa uɗat tutukku haknu ii dootte, am geha nug keeke okkaippa uɗat tutukku haknu ele ii dooma.

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Genesis 39:4

nug nuhignu ena doya, nug he, Josep nug nuhig maɗi nidnab dayom. Josep anam dayeye, Potipar nug nug laug, nuhikkud keeke laa oh ele Josep gumakkunu eppegppa meum.

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Rom 2:29

Iitta. Danab nug Juda danabnab amu Nug Jesusnu ooppa genab doye, Kayak Ouɗi Nug danab amu oo babaittom. Amuam gaɗa otaɗak genab aakku. Oo babaittak amuam ɗo nai yaak niitte amu dim lamittaknu keeke iitta, Ouɗinu keeke. Danab amu nug danab amelagppa nug binag iitta, amge Kayak amegppa nug binag ele.

Prowerb 27:18

Aun laa nug ad fig dabmetta atognotte, nug ad fig meu lakku; aun nug nuhig okkai dabmedatte, nug binag aokku.

Luk 19:16

E dona amu danab laa ba nug aum. ‘Naɗi, da mina laippu nahip imu bau laa tuɗitte qagmein, tuɗittak 10 aomi,’ awa a, king nug amegppa aum.

Luk 19:18

Aria, laa dim ba aum. ‘Naɗi, da mina laippu nahip imu bau laa tuɗitte qagmein, tuɗittak mina tanig ele aomi,’ awa a, king nug amegppa aum.