Luk 19:14 - Nobonob Baibel

¹⁴ Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Luk 19:14 Referans Kwoze

1 Samuel 8:7

Nug Yawe amegppa unuqitta a, Yawe Samuel amegppa aum. “Na keeke oh ag na hekkutnu atteb amu, na amu hekkut! Aɗinu? Ag na ahilag okkai daakkutnu di ii medappig. Iitta! Ag da ahilag king daakkulnu dimeɗappig.

Jon 15:18

Wan imuppan danab ah wannu kobol dim lamadtteb ele, ag oolagppa ahilagnu nau ninig ele dooppeg amu ag doyeg! Danab ah amu ag tatam dahilnu anam dooppig.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Jon 1:11

Nug keeke heumppa na dayom, amge danab ag Nug ɗo ii mettan ii aoppig.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Luk 14:32

Amu nug dabma, nug elele iitta anidkku dayeb, aria haen nuhig kekeɗ amu nug uma dayebeb, nug nuhikkud danab laala heeb, ag goppeg, ag ban heppeg ii bemanu nai mattiglag.

Luk 19:13

Nug anam dabmaama, aria nug nuhikkud maɗi nid eblaih tanig ele onilagppa ewowa, nug men doɗo onig mina laippu anen anen pania madatta amelagppa aum. ‘Ag imu tuɗidna, qagmebeppeg, da eɗue uɗippi meɗappeg aokkul,’ awa aum.

Luk 19:15

Ag anam appig, amge wan laappa ag nug king daakkunu ehah mettaeg, dimppa nug eɗua uɗia, nug maɗi nid anukka nug men doɗo mattom ele onilagppa e, ag oh anen anen men doɗo amu tuɗidna tuɗittak gane aoppig amu nug dookkun aum.

2 Samuel 23:7

Danab aun nug uud keeke qaun ele ehalkkunu hette ele amu, nug keeke aenppa hakppa, o banppa ehaltte. Keeke qaun ele amu, ag adeppa daatteb, amuppaib laa nug amote ewa, iitta mette.” Dawit nug anam aum.