Luk 19:10 - Nobonob Baibel

¹⁰ Anam ana, Nug nai tuɗitta aum. “Danab Bekkalag da amu, da danab ag padal meppig daatteb ele, da ag eɗuen diiadkkulnu uɗimi,” awa aum.

Luk 19:10 Referans Kwoze

Esekiel 34:16

Amu Yawe Nug atte. “Da geha laa ag padal meppig mattialadkkul; ele amu, laa ag dabmak iitta eleppa tamtam goppig daatteb amu, da eɗue omaladppi uɗiglag. Da geha laa ag guittak aoppig daatteb bappaladkkul; laa ag oɗe meppig daatteb amu, da ehanadkkul. Da anam hekkul, amge da geha sipsip laa ag eheɗ henan titiɗppig, amu laa eheɗ hakppa ebehilag ɠagattag daatteb ele heppi nauhadkkulag. Da geha dahil sipsip nai doya mala hettoɗia epeɗia elele mettak kobolppa dabmatten atognoadkkul,” awa atte.

Matyu 1:21

Nug geha nid danab aokku, amu na Nug onig Jesus ataɗkkut. Aɗinu? Nug nuhikkud danab ah, ag ahilag hipuninnu padal ii memananu ehanadkku,” awa aum.

Rom 5:6

Antteg! Anukka ig ɠagattag iitta daamut, haen amuppaib Kristus Nug ig danab, ig Kayak dimettamut ele amu, ig eɗua awigkkunu mauhom.

Matyu 15:24

Ag anam aeg amu, Jesus Nug aum. “Israel padal meppig, amu dilagnuib Kayak Nug he, da uɗimi,” awa aum.

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

Matyu 10:6

Iitta. Ag Israel buɗub, ag am sipsip padal meppig oitteb bia oitteb amu, ahilagppa ukkeg!

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Esekiel 34:12

Sipsip gumak danab ena nug nuhikkud sipsip matatun goppig ele eɗua diia atognoadtte, amubia da dahilad sipsip atognoadkkul. Da ehanadppi, ag atu laih laih matatun goppig daatteb, ag appanu eɗun uɗin, ippa daappeg, da ag atognoadkkul. Deɗ da amu hekkulppa, deɗ amuam lombig hab oh tona dayeb, gatatu manak daakku.

Matyu 18:11

((Aɗinu? Danab Bekkalag da amu da danab hipuninppa nauhppig amu, ag eɗue diiadkkulnu uɗimi.))

Jon 3:17

Kayak Nug, Nug Bekka wan imuppa me uɗiom, amge Nug wanppan danab ah epeɗiadkkunu me ii uɗiom. Iitta. Kayak Nug nuhigppa wanppan danab ah eɗua diiadkkunu me uɗiom.

Luk 15:8

Am laa ele inam. Ah laa nug silwa men doɗo eblaih laih ele dayeb, amge laippu laa qettoɗeb, geha nug lam amota, laugppa kinipan tateb ukkeb, mattia neekka auta awa iite haaha, nug antta aokku.