Luk 18:43 - Nobonob Baibel

⁴³ Anam aawo, geha aakkunab danab amu ameg obate, neekka aha, ibppa Jesus dim lamittatta, Kayak binag meum. Haen danab ah ag amu anidna, ag ele Kayak binag meppig.

Luk 18:43 Referans Kwoze

Sam 146:8

Nug danab ag amelag gaɗuak he, ag neegtteb. Nug danab ag uug tonatte daatteb he, ag ahilag uug iitta mette. Yawe Nug danab ah ag genab tutukku hak kobol dim lamidtteb ele, Nug amu dilagnu oo mauhtte.

Galesia 1:24

Kayak Nug dahilppa anam he, ag nai doonna, ag Nug onig humappig.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 4:21

Aa anam aeh, aria danab okkai ag aa amelahppa nai ɠagattag appig amu, ag nai anam bia laala ele tuɗidna awona, ag danab ah oh ag Kayak keeke he anidna, amunu oolag gamag ahe, ag Nug binag meppig anidna, ag danab ah amu diig amunu baɗappig amunu, ag Pita, Jon ele guittak mataglagnu ib ii anidna, heeg gopiɗ.

Luk 13:17

Nug anam a amu nuhikkud kekeɗ ag uɗalag eheɗ neum, amge danab ah laa oh ag nuhignu enanagnab dooppig. Aɗinu? Nug keeke oh ena heum.

Luk 5:26

Ugekke amu danab ah oh ag dabmak kuɗum aona, Kayak binag mena, ag nuhignu ebehilkad oh bodoetta le me, ag appig. “Gemu ig kobol imu laanab anidmut,” aon appig.

Luk 4:39

Oɗ mettaeg amu, Jesus Nug noa, gumitta hibaitta dayaya he, beɗu gakkaɗak uuitte, nug paha aha digma, ehanittak keeke babaitta ehanattom.

Matyu 21:14

Jesus Kayaknu mettid lakka dayeye amu, danab laala ag amelag gaɗuak, amu baelag nau autaut oippig ele ag Nug gumidna uɗieg, Nug bappalattom.

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Matyu 9:8

Ugekke, danab ah kuɗum ag amu anidppig amu, ag Kayaknu ebehilkad oh bodoetta le me, ag Kayak, Nug danab uɗat amu hekkulagnu ɠagattag mattom ele amu, ag Nug binag meppig.

Aisaia 43:21

Da Israel danab ah ag dahil hak ena anidna, ag amunu danab ah laa amelagppa akkulagnu da hei, ag huu laa aakku daan, dahiladnab daatteb.

Aisaia 42:16

Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa.

Aisaia 35:5

Amu Nug uɗia anam heebeb, danab amelag gaɗuak ele ag neegkkulag. Danab daulag ituak ag geha eɗun nai dooglag.

Sam 107:15

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 107:8

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 30:2

O Yawe, dahil Kayak, da na ehaniɗkkutnu unuqitti, na hee, oɗe dahil iitta me, da ena daattem.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Luk 19:37

Aria Jesus Nug ukka, ib laih Olipnu Qauko amu eɗitta no, appa nuhikkud ippunittak awak danab kuɗum laa ele ag oh nuhignu gamalag ahom. Aɗinu? Nug kobol danab hekkunu elele iitta kuɗum he anidppig amunu, ag baalag okkaippa enan Kayak binag humappig.

Luk 9:43

Jesus Nug anam he, danab ah ag Kayaknu ɠagattag anidna ottaina dabmak kuɗum aoppig. Keeke oh Jesus heum amu, ag amunu dabmak kuɗum aoegeg, Jesus Nug nuhikkud ippunittak awak danab amelagppa aum.