Luk 18:38 - Nobonob Baibel

³⁸ Ag aeg, nug doya, ewa aum. “Jesus, Dawit Bekka, na dahilnu oot gai-iitta doon oot meɗan ehaniɗe!” anana eum.

Luk 18:38 Referans Kwoze

Matyu 9:27

Jesus Nug aab amu uua ugekke, danab aɗit amelah gaɗuak ele aa Nug dim lamidya, onigppa eyaya apiɗ. “Dawit bekka, na ihinihnu oot gai-iitta doona oot metan ehanite!” aoya epiɗ.

Luk 18:39

Am danab ameg laa anuqna goppig ele ag nug aidna appig. “Na oɗen qamute!” aon appig, amge nug nai amu ii dabmetta, baula huanaknab ewa aum. “Dawit Bekka, na dahilnu oot gai-iitta doon oot meɗan ehaniɗe!” awa aum.

Matyu 15:22

Nug ukka te, Kanan buɗubppanu ah laa nug appa dayom, nug Jesus onigppa ewa, inam aum. “Naɗi, na Dawit bekka, na dahilnu oot gai-iitta doon oot meɗan da ehaniɗkkutnu oɗ medattem! Ouɗi nau nug nid ahin dahil he nauhom,” awa aum.

Rom 1:3

Nai ena amuam Kayak Nug bekka, ihinig Naɗi Jesus Kristus, nuhignu nai. Wan imuppan menuakppa amu, Nug Dawit buɗubppa aakku doum.

Revelesen 22:16

Da Jesus, da dahil engel laa mei, ahilagppa ukka, nai dahil imu tamaniak ohppa ag amelagppa mehuqkkulagnu madakkunu ukkom. Dawit nug dahilppan be, da nug buɗubppan bemi. Da hoɗopai boitinannu amahlak bia daattem,” awa aum.

Matyu 21:15

Amge haen mana mettak danab okkai amu ɗo mehuqak danab ele ag Jesus kobol enanag heum anidna, nid naunau ag oolag gamag ahe, Kayaknu mettid lag nuhig tomppan keeke oh ele appa, “Ig Dawit Bekka onig humatu!” enan appig ele anidna, amu mana mettak danab okkai amu ɗo mehuqak danab ele ag oolag nauhe,

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Matyu 12:23

Danab nug neekka, nai mattieye, danab ah ameg naɗi ag ottaina dabmak kuɗum aona, Jesusnu appig. “Danab imuam Dawit bekkatai,” aon appig.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Aisaia 11:1

Danab ag ad oeg qiia, dimppa ad amu ita bette, amubia Jesi buɗub ooppanu laa geha ba, nug king daakku. Ao, ad bunaɗom, diɗi ita qa ba meu otte, amubia Jesi buɗub laa dimppa ba, king dayaya, meu okku.

Sam 62:12

Ge, O Naɗi, oo mauhaknab kobolnu diig am naib. Am genab, na danab anen anen aɗi hetteb anidnana, ag nob tutukku madattem.

Luk 18:37

A amu ag nug amegppa appig. “Jesus, Nasaret ted, Nug uɗitte,” aon appig.