Luk 18:14 - Nobonob Baibel

¹⁴ Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Luk 18:14 Referans Kwoze

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Luk 16:15

amge Nug ag amelagppa aum. “Ag amu danab dilag neekkakppa genab tutukku hak danab daaglagnu, ag amunuib oolag daatte, amge Kayak Nug ag oolag diig dootte. Danab ag aɗi keekenu enanag dootteb ele, Kayak Nug amunu ooppa uuaknab dootte.

Jems 4:10

Ag akka ag Naɗi noobppa ag onilag qeppeg neeb oiyeg! Ag anam daanna oiglag amu, Naɗi Nug ag humatta attan maadkku.

Matyu 23:12

Am danab aun nug onig humatte amu Kayak Nug heeb, danab amu nug onig nekku. Ge danab aun nug onig qe nette amu, Nug danab amu onig am humakku.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Luk 1:52

Nug king ebehilag ele tabatte noeg, danab onilag iitta amu humattom.

Sam 138:6

Yawenu binag amahalak oppiaawak ele am okkainab amunu, Nug attannab daatte me, nug danab ah ag akka onilag qeeg nette ele, Nug amu dilag dabmette. Nug amu dilag dabmette, amge Nug dada danab ah umanabnu doyadtte; ag lokkumkkulagnu elele iitta.

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Prowerb 3:34

Danab ag dada kobol dim lamidna, Kayak aon aon qedatteb ele amu, Nug imadtte, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.

Job 25:4

Kayak Nug okkainab anam daatte amunu, ig danab ah oh, ig oonigppanu laa nug Kayaknu neekkakppa, nug genab tutukku hak danab daakkunu elelete? Ge, laa ah ooppanu doum ele, nug Kayaknu neekkakppa ooppa oppiak ele daakkunu elelete?

Galesia 2:16

Amge ig doottem, Kayak Nug danab ɗo dim lamidtte ele, Nug diig amunu danab amunu, ‘Genab tutukku hak danab,’ ii atte. Iitta. Danab nug Jesus Kristusnu ooppa genab dootte amu, danab amunu aakkuib Kayak Nug nuhignu, ‘Genab tutukku hak danab,’ awa atte. Am ig ele, ig Kayak noobppa, Kristus Jesusnu ooppa genab doyakppa, ig ɗo dim lamittakppa iitta, ig genab tutukku hak danab daagnignu Kristusnu oonigppa genab doomut. Aɗinu? Danab laa nug ɗo dim lamidtte, diig amunu Kayak Nug danab amunu, ‘Genab tutukku hak danab,’ atte laa iinab daatte. Iitta.

Rom 4:5

Amge danab nug nukka, nuhig uɗatnu, nug ib amuppa genab tutukku hak danab bekkunu ii dabmette, iitta, nug Kayaknu ooppa genab dootte, Kayak Nug he eheɗ hak danab ag genab tutukku hak danab daatteb amu, Nug danab amu nuhig ooppa genab doyak antta, “Nug am genab tutukku hak danab,” awa atte.

Rom 3:20

Ɗo nai am danab oh dilag daatte, amge danab ohnab ag pehettak ii dim lamidtteb amunu, ɗo dim lamittak kobolppa danab laippu laa Kayak amegppa genab tutukku hak danab daakkunu elele iittanab. Aɗinu? Ɗo nai am ig hipunin ihinig uhuqa megakkunu keeke iitta. Ɗo nug he, eheɗ hak ihinig miag atitte aakkuib.

Luk 10:29

Nug anam aum, amge ɗo doyak danab nug nukka onig ena daakkunu ha, nug Jesus oɗ metta aum. “Am dahil mudippan laippu am aun?” oɗ mettom.

Prowerb 18:12

Dada hak danab ag nena qekkulag; amge danab nug nukka nug onig qe nette ele, nug binag aokku.

Prowerb 15:33

Danab nug Yawenu ebehi oh bodoetta le mette amu, nug doyak dabmak ena ele aotte; amu nukka onig qe nak, amuam tatam dayeb, dimppa binag ele daakku.

Job 22:29

Aɗinu? Danab laa uugppa tena, uɗa nak dooppeg, na Kayak amegppa, ‘Ehanadppe, ag eɗun, uɗa nak iitta ele daaglagnu oɗ medattem!’ unuqidppe, Nug danab uɗa nak aoppig ele ehanatteb, ag eɗun, enaib daaglag.

1 Samuel 1:18

Eli nug Hana amegppa anam a amu, Hana nug enanag doya, amegppa aum. “O naɗi dahil, na dahilnu ena doome amu, da amunu enanag doottem,” awa aum. Hana nug anam awowa, nug aha ukka, ee laa laum; nug baula oo uug ele ii dayom, nug iɗu ii tiguguɗom.

Eksodas 18:11

Gemu da doottem, Yawe Nug kayak laa oh eɗattak. Aɗinu? Haen Isip ag beɗuppa tak kobol nau dim lamidnana, ag Israel eheɗ nau hattegeg, Nug Israel ena ehanatta, Isip danab eppelagppanu eɗua diiom,” awa aum.

Rom 8:33

Kayak nug danab ah tituanattom amu, aun laa nug ag hettoɗiakppa maadkku? Auntai, laa iitta. Aɗinu? Ag Jesusnu oolagppa genab dootteb amunu Kayak ahilagnu, “Genab tutukku hak danab,” aum.

Rom 5:1

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Aisaia 45:25

Amge geha Israel buɗub oh ag Yawenu ehanittakppa genab tutukku daan, ag gamag ahak okkainab dooglag.

Job 9:20

Da beɗulppa aab iitta, amge hettoɗiak abenppa da Kayak noobppa daye nai madippi amu, da oɗel am da eheɗ hemi alo. Ge, da am danab ooppa kaliak laa iitta ele daattem, amge da Kayak noobppa daye nai madippi, da oɗelnab da beɗulppa aab ele daatte alo.

Habakuk 2:4

Laa nug Kayak noobppa genab tutukku hak danab daatte, nug Yawenu ooppa genab dootte amunu, nug bau daakku. Ao, am anam, amge antte! Laa daatte, nug dada danab daatte. Ge, nuhig oo hak am kaliak ele.

Eklisiastis 9:7

Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

Sam 143:2

Auntai laa na noomppa hibaitta, “Da genab tutukku hak danab daattem,” akkunu elele? Iitta amunu, na da, nahip maɗi nid, na da nahip hettoɗiakppa ii meiɗmananu oɗ medattem.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Prowerb 25:7

Aɗinu? King nug nukka na amenppa, “Lai, na gukkuiɗna uɗippe, da ele daagnih,” akku, amuam ena; amge king nug anuqak danab laa noobppa na onin qeeb neeb, na uɗan nekku, amuam ena iitta.