Luk 17:28 - Nobonob Baibel

²⁸ Amu Lotnu haenppa am ele anamib heppig. Ag ee lanana, le lanana, keeke daden menana, keeke danab laa mattaeg, daden meegeg, ee aona, lag buunna daappig.

Luk 17:28 Referans Kwoze

Genesis 13:13

Amu Sodom danab ag nau hak danab. Ag Yawe noobppa hipunin kuɗum, okkai ele henan oidttappig.

Jeremaia 50:40

Kayak he, Sodom, Gomora ele, aab laala aab aɗit amu gukkuatak daappig ele nauhna autna aoeg, danab ah appa laa ii daappig. Amu anambia, laa nug Babilon appa ii daama. Ao, appa danab laa ii daama,” awa atte.

Matyu 21:12

Anam amu, Jesus Nug Kayaknu mettid lag nuhig tomppan keeke oh ele ooppa noa, Nug danab appa mana mettaknu keeke dadennu maadppig, laala daden meppig ele, Nug ag oh lamattom. Appan danab laala ag men doɗo baolippig ele amu, Nug ahilag balal huma awe, ukka na qe, am laala ag uppuɗil beɗulag nakok maatteg daden maadppig ele, Nug ahilag dayak aben ele huma awe, ukka na qeum.

Luk 17:27

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, amu heegeg ukke, Noa uubppa teum. Danab ah ag anam heegeg, le hiɗ naɗi ba, danab ah amu ohnab diie padal meppig.

Luk 17:29

Amge Lot nug Sodom uua ukkom, deɗ amuppa amu aab aɗu gakkaɗaknab, kalu huana eotte onig salpa hab attannu ele gu bia na, danab ah ewatte padal meppig.