Luk 17:27 - Nobonob Baibel

²⁷ Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, amu heegeg ukke, Noa uubppa teum. Danab ah ag anam heegeg, le hiɗ naɗi ba, danab ah amu ohnab diie padal meppig.

Luk 17:27 Referans Kwoze

Aisaia 21:4

Da keeke Yawe tulelegppa ippuniɗe anidmi am he, da dabmak iwe, amel qittinene, beɗul baɗeɗe ottaittem. Da aam paha paha noa tuebnab ma, uudoa, ⌊maɗoɗ daakkulnu⌋ ool huan hanhan dayom, amge iitta, da Yawe ippuniɗom am he, da amel iɗuak doottem.

Genesis 7:23

Yawe Nug he, danab, doɗ, ai, doɗ laa ag oolag wan qeeqe oitteb ele, amu oh iitta maadna malappig, amge Noa, nuhikkudppa ele, agib ii mauhppig.

1 Samuel 30:16

Isip danab nug anam a, ⌊Dawit nug amunu ena a,⌋ Isip nid bau nug Dawit ⌊nuhikkud ban danab 400 ele⌋ oh omalatte, ag laih Amalek daattebppa goppig. Nug ag diia ukke, ag Amalek anadppig; ag wan laih naɗi amuppa mauhnoak daan daaeg ukke, daanna ee lanana, le lanana, gamag ahak naɗi henan daappig. Aɗinu? Ag Pilistia dilag wanppa keeke kuɗum awon; Juda wanppa ele keeke kuɗum aoppig.

Aisaia 47:11

Amge uug naunab ahilagppa bekku. Beebeb amu, ag eman hakppa amu bemanu ib keldokkulagnu ib laa ii anidmana. Ao, uug naunab ahilagppa bekku. Beebeb amu, ag en mettakppa qagaiettakppanu uhuqak aoglagnu elele iinab daamna. Ge! Uug naunab, ag amu ii nak haenppa dabmekkulagnu elele iitta amu, uug naunab nau amu ahilagppa laippun, paha bekku.

Matyu 22:30

Amu eɗua hibaittak haen dimppa danab ag ah ii diimna, ah ele ag danab ii diimna. Iitta. Ag engel hab aabppa daatteb bia daaglag.

Luk 17:26

Nug anam ana amu Nug baula aum. “Noanu haenppa danab ag kobol aɗi aɗi heppig, amubianab Danab Bekkalag da, da eɗue uɗikkulnu haenppa amu, danab ag kobol anamib hekkulag.

Luk 17:28

Amu Lotnu haenppa am ele anamib heppig. Ag ee lanana, le lanana, keeke daden menana, keeke danab laa mattaeg, daden meegeg, ee aona, lag buunna daappig.