Luk 17:21 - Nobonob Baibel

²¹ Amu ele danab ah ag, ‘Antteg, ippa ina daatte,’ o iitta ‘Antteg, laih uppa uma daatte,’ ii amana. Aɗinu? Kayaknu ɗo maɗoɗ amu ag oolagppa daatte,” awa aum.

Luk 17:21 Referans Kwoze

Matyu 12:28

Amge da Kayak Ouɗinu ɠagattagppa ouɗi nau lamadttem dayeb amu, ag doyeg, Kayaknu ɗo maɗoɗ aakku ahilagppa uɗiom,” awa aum.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Mak 13:21

Aria, haen amuppa laa nug ag amelagppa, ‘Antteg! Kristus Nug ippa ina daatte,’ o iitta, ‘Antteg! Kristus uppa uma daatte,’ ab amu ag oolagppa genab aib dooppig.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Luk 21:8

Ag anam aeg, Jesus Nug aum. “Laa ag hambuppualadmanu, ag dabmeig! Aɗinu? Danab kuɗum ag da onilppa uɗin, ‘Da am Kristus,’ ana, ‘Haen miag aakku doum,’ ele aon akkulag, amge ag ahan, ag aib dim lamadna goppig.

Luk 17:23

Am geha danab ag amelagppa inam akkulag. ‘Antteg! Nug am laih uppa uma daatte,’ o iitta, ‘Antteg! Nug am ippa ina daatte,’ aon akkulag, amge ag am aib dim lamadna goppig.

Jon 1:26

Ag anam aeg amu, Jon amelagppa aum. “Da amu, da ag leppa layadttem, amge ag oolagppa appa laa hibaittom daatte ele, ag Nug ii dootteb.

Jon 18:36

Pailat anam a amu Jesus aum. “Dahil ɗo maɗoɗ am wan imuppan iitta. Dahil ɗo maɗoɗ wan imuppanulob amu dahilad danab ag ban heppeg, Juda okkai ag da ii aɗailob. Amge dahil ɗo maɗoɗ amu ippanu iitta,” awa aum.