Luk 16:29 - Nobonob Baibel

²⁹ Nug anam aum, amge Abraham nug aum. ‘Ag amu Mosesnu nai am Kayaknu propet dilag nai ele; ag am nai amu doyeg!’ awa aum.

Luk 16:29 Referans Kwoze

Aposel 15:21

Aɗinu? Ig doottem, anukkan uɗie gemu ele, aab okkai ohppa danab ag Mosesnu ɗo nai mehuqna, ag ele Sabat deɗppa Juda dilag nai doyak lag ohppa nai amu ebqetteb,” awa aum.

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Luk 16:16

Ɗo nai, amu Kayaknu propet nai ele, anukka danab ag amu mehuqegeg uɗie uɗie, Layattak Jonnu haen batak; amu Layattak Jonnu haenppa uɗie, gemu ele amu ag Kayaknu ɗo maɗoɗnu Nai Ena mehuqtteb. Amu danab oh ag Kayaknu ɗo maɗoɗ amu ooppa nokkulagnu wagai metteb.

Aisaia 34:16

Na Yawenu buk itoɗiak laappa neegna, amuppa aɗi yaak daatte ebqe! Am inam. “Doɗ amu laa am appa daakkunu ii uuma. Ag ohnab ahilag ehanittak ele appa daaglag. Yawe Nug amu bekkunu Nug oɗeppa haknunab mattiom amunu, am anam bekku. Nuhig Ouɗi Nug doɗ amu oh aguppa qagmaadkku amunu, am anam daakku.”

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Luk 4:17

ag Kayaknu propet Aisaianu buk itoɗiak medappig. Nug buk awa kola, Nug Kayak naippa nai inam daatte, amu antta ebqeum.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Galesia 4:21

Ag Galesia danab, ag eɗun ɗo waappa daaglagnu hetteb ele amu, ag gemu appeg doyei! Ag ɗo nai atte amu ag iitai dootteb?