Luk 16:24 - Nobonob Baibel

²⁴ Anata amu enub danab nug ewa aum. ‘Mame Abraham, na dahilnu oot gai-iitta doon oot meɗan ehaniɗna heppe, Lasarus nug uɗia, nug eppeg hiqal nob nakok leppa ma, lemaɗulppa meeb, oug nakok maɗ! Aɗinu? Da aab gakkaɗak imuppa guittak naunab doottemde,’ awa aum.

Luk 16:24 Referans Kwoze

Revelesen 22:1

Amu dimppa engel nug le laa, le amuam bauklel le, nug le amu ippuniɗom. Le amuam men onig kristal, dubuttid nakok laa iitta, amubia dubuttid nakok laa iitta ele daatte. Le amuam Kayak amu Sipsip Nag ele, ahilah sia kingppanu ba

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Jon 4:14

amge laa nug le da medattem ele imu, nug amu lakku amu, nug baula le baag ii diima. Iitta. Le da medakkul ele imu am, le moɗ bia nug ooppa baaba daakku. Anam haen oh qeppuɗia baaba, nug bauklel hanhannu medakku,” awa aum.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Revelesen 20:15

Aun laa nug onig buk laappa, amuam buk onig Bauklel Awa Onig Yaaknu buk, nug onig buk amuppa ii yaak amu, laa nug nug aab amegppa buɗie noum.

Jems 3:6

Amu ig lemaɗunig nug am aab aɗu bia. Nug beɗunig laih laala oh gamagppa Satan eppeg bia daatte. Danab lemaɗu nug danab beɗu oh dubuttid medatte, amu nug danab beɗuppa kobol aab gakkaɗak bia hette amunu, oiyak oh nuhig am ena ii bette. Danab lemaɗu, ⌊nug anam hette ele amu,⌋ nuhig diig am Satan.

Luk 16:30

Am enub danab nug aum. ‘Iitta mame Abraham! Ag amu dootteb, amge laippu mauhom ele, nug matmatppanu eɗua aha ukka amelagppa ab, ag oolag eɗukku,’ awa aum.

Luk 3:8

Ag oolag eɗueb, kobol ena dim lamitteg! Amu ele ag oolagppa inam aib digmena appig. ‘Abraham nug ig mamenig, nug am genab tutukku hak danab, ig nug buɗub daattem amunu, nuhig hak enappa ig nob ii aomta.’ Da ag amelagppa attem, Kayak Nug men imu ag eɗun, Abraham bekkod daaglagnu hekkunu elele.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Sekaraia 14:12

Amu wanppanu wan attennu daup ag Jerusalem banelag uɗiglag amu, Yawe Nug heeb, oɗe nau danab kuɗum aqe mauhtteb ele ag aqadkku. Amuam ag hippaidna daappeg, ag teppulag beɗakku. Ag hippaidna daappeg, ag amelag ikkilagppa dayaya, beɗakku. Ag hippaidna daappeg, ag lemaɗulag ag oɗelagppa dayaya, beɗakku.

Aisaia 66:24

Amu dahilad danab ah ag aab dimittim gona, ag danab ah ag da waalppa daaglagnu uun, dahil nai tappaeg neum ele, ag danab ah amu gaɗalag anadkkulag. Amu ag gaɗalag niiglagppa amu, gawat naunau ag hanhan daatteb, aab aɗu aguppa daatte ele ii qauhtte. Danab ah oh ag gaɗalag amu anidna, ag eheɗ nau, gahag bak bia ele dooglag.” Yawe anam awa atte.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Revelesen 19:20

Anam amge, laa ⌊hos hakkab attan dayom⌋ nug doɗ dakkuɗ aɗa, propet hambuppuak ele aɗom. Propet amu nug doɗ dakkuɗ ehanidkkunu epponak keeke kuɗum danab haknu elele iitta heum. Kobol amuppa nug danab oh, ag doɗ dakkuɗnu epponak keeke aoppig, ag ele doɗ dakkuɗ dottog noobppa dup nona binag meppig amu, nug ag hambuppualattom. Amunu doɗ dakkuɗ nug propet hambuppuak ele aa bau daaeheh, laa ⌊hos hakkab attan dayom ele,⌋ nug aa aɗalata, aab ameg kalu laa huana eotte onig salpa eotteppa buɗiate nopiɗ.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Rom 4:12

Ele amu, Abraham nug am danab gaɗalag otaɗak ele, nug ag mamelag ele daatte. Amu gaɗa otaɗaknuib iitta. Iitta. Ag gaɗalag otaɗna, ag Abraham baeg dim lamidna, ag oolagppa genab dootteb amunu, Abraham nug anukka gaɗa ii otaɗom dayaya heum bia hetteb.

Jon 7:37

Hobul amu malaknu deɗ beum, deɗ amuam hobul amunu naɗinab amu, haen amuppa Jesus Nug hibaitta, baag okkaippa ewa aum. “Danab laa nug le baag diieb amu, nug da gumiɗa uɗia, le lanaɗ!

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Matyu 3:9

Amu ele, ag oolagppa inam akkulagnu aib dabmeppig. ‘Abraham nug ig mamenig, nug am genab tutukku hak danab, ig nug buɗub daattem amunu, nuhig hak enappa ig nob ii aomta.’ Da ag amelagppa attem, Kayak Nug men imu ag eɗun, Abraham bekkod daaglagnu hekkunu elele.

1 Samuel 28:16

Saul nug anam a amu, Samuel aum. “Yawe Nug na dimetta, na kekeɗ mettom, am aɗinu da na ehanidkkulnu onilppa eme?

Luk 19:9

Anam a, Jesus Nug Sakius amegppa aum. “Gemu Kayak Nug na, nahipad ele eɗua diiattom. Aɗinu? Na am Abraham bekka genab,” awa aum.

Job 20:21

Nug eɗua daɗek dayaya, ee lakkunu laa ii anidma. Ao, nug keekenu elele ii daama.