Luk 16:22 - Nobonob Baibel

²² Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Luk 16:22 Referans Kwoze

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

Revelesen 14:13

Aria, da baag laa hab aabppanu doomi amu nug inam aum. “Na nai inam ye! Danab aun aɗi ag Naɗi onignu oolagppa genab dootteb amunu gemu, butti aɗi ele laa heeg, ag mauhtteb ele amu, ag itittak ena aoppig daatteb,” awa aum. Aria, Kayak Ouɗi Nug ele atte. “Ag ahilag uɗatnu hik aoglag. Aɗinu? Ag ahilag hak ena heppig ele amu, amunu nai am ag ele gokkulag,” awa atte.

Jems 1:11

Ig doottem, aam nug naɗi ma, na he, bala mauɗe, nug haɗag na qe, nuhig bala anttak aakku nauhtte. Amubia enub danab nug uɗat nuhig haaha dayaya mauhkku; ⌊nuhig keeke ii ehanitteb, nug tuɗid bau daakku⌋.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Jon 13:23

Ippunittak awak danab laa, Jesus nuhignu oo huanak mauhttom ele, nug Jesus guguittak dayom.

Mak 8:36

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku?

Eklisiastis 8:10

Ele amu, da nau hak danab, ag aab okkai ag hipunin heppigppa daan, ag Kayaknu mettid lag, lag amuam Kayaknu tituanak daatte, ag amuppa gonana, eɗun uɗiegeg, danab ah binag meppig amu, da ag mauheg boumadppig anadmi. Amu ele am gaɗappa, unuqagppa ele anttak laippu iitta.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Job 21:13

Nau hak danab ag keekenu elelenab daan, ee le ele lanana, gamag ahak ele dootteb; ag anam heeg ukke ukke, ag mauhna, boumak abenppa maɗoɗ ele gotteb.

Hibru 2:14

Nid naunau amu ag anilkad mamelkad ag beɗulag bia beɗulag aon oitteb amunu, Jesus Nug Satannu ɠagattag, ɠagattag amuppa Satan nug he danab mauhtteb amu, Nug ɠagattag amu heeb iitta mekkunu, Nug danab ag wan imuppan oiyak ahilagppa haen oh mauhaknu baɗak doon, ag amuppa hippalak daappig ele amu, ag amunu uhuqak ele madakkunu, Nug ele danab beɗu awa, Nug mauhom.

Jon 21:20

Pita Jesus ele goyaya amu, Pita nug eɗua neekka, ippunittak awak danab laa, Jesus nuhignu oo huanak mauhttom ele, nug anukka Pasowa ee lanak haenppa Jesus oguitta wana, “Naɗi, aun nug na kekeɗ eppelagppa meidkku?” oɗ mettom ele, nug dim lamatete anttom.

Luk 12:20

Nug dabmak nuhigppa anam aum, amge Kayak Nug amegppa aum. ‘Na am Kayak dab-ii-maama ii dim lamittak danab! Gemu tuqan imuppanab amu, na mauhkkut. Anam am, keeke oh na bappaidme daatte amu, aun nug aokku,’ awa aum?”

Matyu 8:11

amunu, da ag amelagppa attem. Geha danab kuɗum aam bedeppanu, aam nodeppanu ele ag uɗippeg, Abraham, Aisak, Jakop ele ag Kayaknu ɗo maɗoɗppa daanna, hobulppa ee lanan, laippu daaglag,

Aisaia 22:16

‘Sepna, na ⌊hee, maɗi nid nahip ag men oɗe enanag⌋ nahip boumak aben daakkunu aoeg, nahip boumak aben aakku heppig. Ao, na gaɗan aben ⌊enanagppa⌋ daakkunu na ⌊hee, danab ag⌋ men oɗe amu hoieg ukke daatte. ⌊Amge⌋ na ippa aɗin daattem? Ippa na laipad laa elete, amunu na nahip boumak aben anam iikku bappaidme?’ ” awa aum.

Aisaia 14:18

King laa oh wan laala ohppan mauhppig, gaɗalag boumak aben enanagnabppa boumatteg niitteb. Mauhak gaɗalag anen anen amu ag ahilag aben piɗe piɗeppa maadppig niitteb.

Luk 16:21

Nug am enub danab amu nug ee laabob, ee huppu neeb amu awa lalonu dabma daattom. Nug anam dayeye, qai ag dona, lemaɗulagppa nug ihi nau amu hoɗuegeg daattom.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.