Luk 16:19 - Nobonob Baibel

¹⁹ Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Luk 16:19 Referans Kwoze

Esekiel 16:49

Amu Naɗi Yawe Nug tuɗitta atte. “Jerusalem, na makkep Sodom, nug aɗekkud ele, ahilag hipunin am inam. Ag beɗuppa tak ah daan oinna, ag ee ge iitta lanan daanna, ag eheɗ heppignu uug laa ii doon, ag daɗek danab, amu laa ag keekenu tutu mak daappig ele ii ehanadppig.

Esekiel 27:7

Ag hewona, ag linen lamen hakkab, Isip appa hena, kobol kobol koitak ele amu, ag lamen amu aon, ag nahip ulah awak lamen heppig; nahip pilak ele lamen amuppa dayom. Danab ah aam aqamanu lamen attan duqappig amu, laa am lamen ed, aria laa am perpel. Lamen amuam Elisa appa heppig.

Revelesen 18:16

akkulag. ‘O gadonnab gadon! Aab okkai amunu amu gadonnab gadon! Anukka nug linen lamen hakkab, perpel, kokoɗnab eleppa hak takka, nug beɗu golppa, men daden nob okkainab ele, amu oogog eleppa bala meedttom.

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.

Revelesen 17:4

Ah amu nug lamen perpel, kokoɗnab ele, bala golppa hak digdig ele, amu bala laa men daden nob okkainab ele, amuppa heppig, amu oogog ele meum. Nug eppegppa kap golppa hak ele aɗom, amu keeke nau digdig, Kayak Nug keeke amunu ooppa uuaknab dootte, amu ah amu nug nuhig ewau pakkua gappai kobol dubuttid nau ele, keeke amu oh am kap-ppa ambak dayom.

Luk 16:1

Aria, Jesus Nug nuhikkud ippunittak awak danab amelagppa mattia aum. “Enub danab laa nug dayaya, nug maɗi nid laa nuhig keeke oh gumakkunu tituane dayom. Am danab laa ag enub danab amu gumidna uɗin, uɗat gumak danab nuhig amu beɗuppa nai inam yaan appig. ‘Nahip uɗat gumak danab nug nahip keeke hamu kakidtte,’ aon appig.

Mak 15:17

Jesus ag eppelagppa dayeye, ag lamen elab perpel aɗuitteg no, ag haɗ muɗi qaun eleppa hewona, Jesus igippa aɗaeg noum.

Esekiel 16:13

Anam amunu, nahip bala am gol, silwa eleppa hak dayom. Nahip lamen oh am enaib. Laa linen hakkabppa heppig. Laa am lamen laa, awaknu daden nob okkai ele. Amu laa am lamen kobol kobol koitak ele. Nahip ee am enanagib; plaua enanag, uppuh leppu, am olip goɗen ele. Da nahipnu anam hei, na ah iɗun tuqaknab bena daanna, na aakku ah okkai, kuin daame.

Esta 8:15

Haen Mordekai nug king uuitta ukka amu, nug lamen enappa bala meum. Nug lamen king metteb ele, amuam lamen elab ed, hakkab ele, nug amu takka, igippa nug haɗ golppa hak okkai laa ma, amu lamen tatam takkom hautaknu nug lamen perpel ele, linen enappa hak ele meum. Aria, danab ah aab okkai Susanu ag ɗo nai yaak laa anidna, ag amunu oo gamag ahak dooppig.

Ikki Danab 8:26

Ag daulagppan bid oh akkaeg, lamenppa no amu, ag gol bid amu oh, uug nuhig gane amu anidkkulagnu skelppa meppig. Ag meeg amu, keeke amunu uug am 19.5 kilogram dayom. Gideon nug amu awom, amge amuib iitta. Nug ele Midian dilag king aɗit dilahppan keeke awom; amuam king dilah bala laa keeke men perl, o golppa hak, kalele golppa hak, lamen perpel, aria ahilah kamel baalagppan kalele golppa hak ele.

Luk 15:13

Nug aa mate aoeh, haen elab iitta amu bekka gehanu nug aha, nuhig keeke am oh akka qagma awa, wan laappa umanab ukkom. Nug nukka appa wan amuppa dayaya, am nuhig men doɗo amu enaen mak kobolppa oh akke ukkom.

Mak 15:20

Haen ag aon aon qettan malan amu, ag lamen elab perpel uɗittona, ag lamen nuhig eɗun aɗuitteg no, ag ad emaitakppa atulkkulagnu aon goppig.

Prowerb 31:22

Nug nuhig niiak aben tonaknu lamen hatta; nug linen perpel, amu linen hakkab ele awa, amuppa nug nuhig lamen ha tagatte.

Luk 16:18

Danab laa nug ah nuhig lamittowa, ah bau aotte amu, danab amu nug ewau pakkua gappai hak kobol hette. Amu danab nug ah laa nug gamu anukka uuitte oiyeye aotte, danab amu nug ele ewau pakkua gappai hak kobol hette,” awa aum.

Luk 16:20

Amu nug laug od guguittak amu daɗek danab laa hanhan meeg daattom. Nug onig amu Lasarus. Nug beɗu ihiud nau ambak ele.

Prowerb 14:24

Danab doyak dabmak ena ele, doyak dabmak ena ele amuam ahilag en, amu ahilag en amu, am ahilkad igippan haɗ bia daatte; amge danab ag Kayak dab-ii-mettan ii dim lamidtteb ele ag Kayak dab-ii-maama hak henana, ag kobol amuib tuɗidna hetteb.