Luk 15:29 - Nobonob Baibel

²⁹ amge nug eɗua mameg amegppa aum. ‘Da maɗ kuɗum nahip begbeg maɗi nid bia, nahip uɗat hemi. Deɗ laippu laa da na oɗen tappai ii neum, amge na meeme nag laippuib laa, da lailad ele gamag ahak hekkunignu ii meɗame. Amu iittanab.

Luk 15:29 Referans Kwoze

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.

Rom 7:9

Anukka dahilppa ɗo ii dayeye, haen amuppa da bau daami. Amge dimppa Kayaknu ɗo dahilppa uɗie, hipunin dahilppa ele uɗie, da mauhmi.

Luk 19:21

Aɗinu? Da na anidttem, na danab ɠagattag. Danab laa nug keeke me daatte amu na aona, danab laa ee ebatte amu, na amunu meu ele aottem. Amunu da nahipnu baɗami,’ awa aum.

Luk 18:9

Am Jesus Nug danab laala ag akka ahilagnuib, “Igib genab tutukku hak danab,” anana, ag danab laa dilagnu, “Ag nau, hipunin ele,” aon appig ele amu, Jesus Nug ag amelagppa keeke danab ag dootteb ii dootteb ele ouaqata ippuanatta nai imu mattiom.

Luk 17:10

Amubia ag ele keeke oh Kayak aum amu ag hena malona, ag, ‘Ig am maɗi nid, ig keeke hemut ele amu, ig ihinig uɗat aakkuib hemut amunu, ig binanig aognignu elele ii daattem,’ aon akkulag,” awa aum.

Luk 15:7

Amunu da ag amelagppa attem, amubia hab aabppa ag genab tutukku hak danab 99, oo eɗuak maɗi ahilag am heppig, ag amu dilagnu maɗoɗppan gamag ahak dootteb, amge hipunin danab laippu laa nug oo eɗueb, haen amuppa am maɗoɗppan gamag ahak naɗinab hab aabppa daakku.

Matyu 20:12

inam appig. ‘Danab umu ag dimnab doppig, ag aua laippuib uɗat heppig, am na ahilag uɗat nob daden, amu ihinig ele melemel laippu mattame. Amge ig buttuanab uɗat digmeta, uɗat huanak heutut, aam ele huanak iqom,’ aon appig.

Malakai 3:14

Ag anam aeg, Yawe Nug ag oɗelagppa awa atte. “Ag inam appig. Ig Kayak waappa daata, Nug oɗe dim lamidkkunig amu, ig meu ena laa ii anidmata. Aɗinu? Ig nuhig ɗo dim lamidmut amu, amuppa ig aɗi keeke ena aomut? O laa amu, ig Yawe Nukka Ɠagattag Oh Ele noobppa danab nug hipunin qa, ooppa guittak okkai amunu doya, lamen heɗiag ele takka, Yawe noobppa anam oitte bia oimut amu, amuppa ig aɗi keeke ena aomut?

Sekaraia 7:3

Ag Yawe amunu unuqidkkulagnu otiadna, laa am ag propet danab, Yawe Nukka Ɠagattag Oh Ele laugppanu mana mettak danab ele keeke laanu oɗ mattaglagnu ele maatteg uɗippig. Ag oɗ mattan inam akkulagnu appig. “Ig Betel amu, ig maɗ kuɗum uɗie uɗie, gemu ele ig deɗ kekeɗ ag Kayaknu Mettid lag heeg nauhom, ag amu kalam tanig eleppa heppig amu, deɗ amuppa ig mahiak hetata, ee ohnu kud meta daattem, amge ig amu tuɗitta hekkunig am enate, o iittate? Ag appeg doognignu oonig daatte,” appig.

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Rom 3:27

Anam daatte amunu, ig ikka oninig humagnignu ib adekku daatte? Ib amu laa iitta. Ib amu matu keldoum daatte. Amu aɗi keeke ib amu keldoum? Amu ɗo dim lamittak kobolte? Iittanab! Ooppa genab doyak, kobol amu ib amu aakku keldoum daatte.

Rom 3:20

Ɗo nai am danab oh dilag daatte, amge danab ohnab ag pehettak ii dim lamidtteb amunu, ɗo dim lamittak kobolppa danab laippu laa Kayak amegppa genab tutukku hak danab daakkunu elele iittanab. Aɗinu? Ɗo nai am ig hipunin ihinig uhuqa megakkunu keeke iitta. Ɗo nug he, eheɗ hak ihinig miag atitte aakkuib.

Luk 15:28

A amu nid tatamnu nug anam doya, oo nauhe, nug lag ooppa noak uuom. Uue aria mameg aha dimittim doa, nug oo mekkunu oo mak nai amegppa aum,

Luk 15:30

Amge nid nahip amu, nug ib baag ah ele oinna, nahip keeke oh akke ukkom ele amu, haen nug eɗua uɗie, na gamag ahak haknu na makau nag ittag ele aakku qeme,’ awa aum.