Luk 15:24 - Nobonob Baibel

²⁴ Am aɗinu? Dahil nid imu nug mauhom, amge nug eɗua bau daatte. Nug qettoɗom, amge ig nug eɗut anidttem,’ awa aum. Amunu ag hobul laa heppig.

Luk 15:24 Referans Kwoze

Epesus 2:5

haen ig hipunin heta, mauhak bia daatta, Kayak ii dim lamidttamut ele, haen amuppa Kayak Nug Kristus maɗette ahe, ig ele bau mekkom. Nuhig ehanittak okkai hamu megatte amuppa aakkuib Kayak Nug ig eɗua awikkom.

Esekiel 34:16

Amu Yawe Nug atte. “Da geha laa ag padal meppig mattialadkkul; ele amu, laa ag dabmak iitta eleppa tamtam goppig daatteb amu, da eɗue omaladppi uɗiglag. Da geha laa ag guittak aoppig daatteb bappaladkkul; laa ag oɗe meppig daatteb amu, da ehanadkkul. Da anam hekkul, amge da geha sipsip laa ag eheɗ henan titiɗppig, amu laa eheɗ hakppa ebehilag ɠagattag daatteb ele heppi nauhadkkulag. Da geha dahil sipsip nai doya mala hettoɗia epeɗia elele mettak kobolppa dabmatten atognoadkkul,” awa atte.

Kolosi 2:13

Anukka amu ag hipunin digdig henan, ag oo alagnu kobol dim lamittegeg, kobol amu nug ag aqe mauhak bia daattappig. Amge Kayak Nug Kristus maɗette ahe, ag ele bau mattom. Nug ig oh hipunin hemut amu, Nug hipunin amu oh uhuqa mekkom.

Luk 19:10

Anam ana, Nug nai tuɗitta aum. “Danab Bekkalag da amu, da danab ag padal meppig daatteb ele, da ag eɗuen diiadkkulnu uɗimi,” awa aum.

Epesus 2:1

Ag anukka oittappig amu, haen amuppa ag hipunin digdig heegeg, Kayak ele oolag laippu ii oinna, mauhak bia daattappig.

Luk 15:4

“Ag oolagppanu danab laa nug sipsip 100 ele dayeb, amge nug nuhig sipsip laippu nug qettoɗeb, aria geha sipsip mameg nug 99 laa amu uuatteb, ag aben laappa daabppeg, nug ukka sipsip laippu amu iite mattia mattia anidkku?

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Rom 6:11

Amubia ag Kristus Jesusnu uɗatppa, ag hipuninnu ɠagattag waappa ii daatteb, amge ag Kayak oo niitte amuib dim lamidkkulagnu daatteb, ag amu oh dabmenan oiyeg!

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Jon 11:25

Anam a amu Jesus Nug aum. “Da am eɗua hibaittaknu diig, bauklel hanhannu diig ele. Laa nug dahilnu ooppa genab dootte ele nug mauhkku, amge nug bauklel aokku;

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

1 Timoti 5:6

Amge ah qab nug nukka beɗunu oo hakib dim lamidtte amu, nug aakku mauhak bia daatte.

Rom 11:15

Am genab, Israel dilag na qakppa wan atu ohppan danab ag Kayak ele oolag laippu daaglagnu elele daatteb amunu, dimppa Israel ag oolag eɗueb, Kayak Nug ag eɗua diieb, keeke enanagnab bekku. Amuam mauhakppanu eɗua hibaittak.

Rom 6:13

Ag anen anen ag kobol nau hekkulagnu, ag beɗulkadnu laih laih oh hipunin eppegppa aib meppig. Iitta! Ag danab mauhppig eɗun hippaidppig bia daatteb amunu, ag beɗulkad laih ohppa genab tutukku hak kobol hekkulagnu, ag meulkad oh Kayak metteg!

Jon 5:21

Mama Nug laa mauhppig maɗatte ahaeg, bau dayak madatte, amubia Nug Bekka da, da ele aun aɗi bau dayak madakkulnu dabmaknab aottem amu, da madattem.

Mak 8:22

Aria, ag gona, Betsaida teeg, appan danab laa ag danab laa ameg nauhak ele omalna, Jesus gumidna gona, Nug eppeg danab amu qaɗeppa ma bappaidkkunu unuqppig.

Esekiel 34:4

Ag sipsip gai-iitta oitteb, o oɗe ele oitteb, o laa guittak aoppig oitteb amu, ag sipsip amu eɗun ena daaglagnu ii ehanadppig. Sipsip laa ag oolna, matatun gona oippig amu, ag amu eɗun ii diippig, amu sipsip laa ag aben adekkuppa qettoɗppig amu, ag gona anadna, eɗun diiglagnu ii mattialadppig. Laa amu, ag sipsip eheɗ nau hattana, guittak madappig. Eheɗ amu oh ag heegeg uɗie, gemu ele anamib hetteb.

Revelesen 3:1

Nug anam ana, Nug nai tuɗitta aum. “Na nai da attem imu Sardis Kristen tamaniaknu ikki danab, nuhignu inam ye! Laa Nug Kayak Ouɗi, nuhigppa kobol ena oh ambak daatte, Nug hoɗoppai eblaih aɗit ele aɗualadtte amu, nai imu nuhigppanu uɗitte. Da nahip hak oh amu, da doottem. Danab ag nahipnu, ‘Nug bauklel ele,’ aon atteb amge iitta. Na bauklel iitta, na mauhme.

Jut 1:12

Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.

Luk 10:19

Amu doyeg! Da ag ɠagattag mattai, ag mat, apiap ele tappadna, kekeɗnu ɠagattag amu oh eɗadkkulagnu elele daatteb. Keeke laippu laa heeb, ag ii nauhmana.

Genesis 45:28

Nug eɗua, ɠagattag daya, nug aum. “Genabnab! Josep nug Isip wanppa bau daatte. Da ahen ukken anttoya, dimppa da mauhkkul,” awa aum.

Aisaia 66:11

Nid yuɗ nug oo gamag ahakppa anignu huh latte, amubia Juda danab ah ag en kuɗum aoppeg, ag ele oh en kuɗum amunu elele dooglag. Ao, Juda danab ah ag en kuɗum awona, ag en naɗi okkai amuppanu ag enanagnab dooglag.

Matyu 8:22

Nug anam aum amge Jesus Nug aum. “Uuppe! Mauhak aɗi, ⌊ag danab dahil uɗat haknu dab-ii-metteb ele amu,⌋ ag mauhak lailkad boumatteg! Na da dim lamiɗe!” awa aum.

Luk 9:60

Anam a amu Jesus Nug oɗeppa awa aum. “Uuppe! Mauhak aɗi, ⌊ag danab dahil uɗat haknu dab-ii-metteb ele amu,⌋ ag mauhak lailkad boumatteg! Amge na gona, Kayaknu ɗo maɗoɗnu nai mehuqe!” awa aum.

Luk 15:23

Amu makau nag ittag ele laa aon dona qeppeg, ig latata gamanig ahaɗ!

Luk 15:25

Heegeg, nid tatamnu nug dad okkaippa dayaya, dimppa nug uɗia, nug lag guguitta ba amu, ag ahi ettak, goɗak ele heegeg doya,