Luk 15:22 - Nobonob Baibel

²² Nug digma anam aum, amge nug mameg nug maɗi nid nuhikkud onilagppa e doeg amelagppa aum. ‘Lamen elab enanag paha aon dona tagittona, ring laa aon dona, eppeg doɗoppa aɗappeg nob, baeg gaɗa ele aona, baegppa aɗappeg taɗ!

Luk 15:22 Referans Kwoze

Revelesen 6:11

Ag anam aeg amu Kayak Nug ag oh anen anen lamen elab hakkab madatta, amelagppa ag nakok laa ele hik aon daappeg, danab nau ag ag lailkad uɗat laippu wanppa daatteb, ahilag ebqak elele daakkunu aqappeg mauhppeg, ahilag ebqak elele dayeb, Kayak Nug danab nau amu nuhikkud danab oh tiilagnu nob eɗukkunu aum.

Esta 8:2

King nug nuhig doyaknu at ringppa daatte, nug ring amu eppeg doɗoppanu awa, Mordekai mettom. Nug anukka ring amu Haman mettom, amge ag nug qeppeg mauhkkunu dayeye, nug uɗitta eɗua awa, gemu Mordekai mettom. Esta nug keeke Haman gumom ele oh am Mordekai gumakkunu otiom.

Genesis 41:42

Nug anam awowa amu, nug nuhig doyaknu at ringppa daatte uɗa awa, Josep eppegppa ma he, ag nug lamen elab linen hakkabppa hak aɗuitteg no, kalele golppa heppig ele amu, nug amu awa, baagppa palittom.

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Esta 3:10

Haman nug anam a amu, king nug amunu, “Yo,” awa aum. King nug, “Yo,” ana, nug nuhig doyaknu at ringppa daatte, Haman aɗi ɗo meeb gokku amu, nug kingnu at amuppa mekkunu nug ring amu nug eppeg doɗoppanu awa, Haman mettom. Haman, nug Hamedata bekka, nug Agag buɗub, nug Juda dilagnu kekeɗ doyom.

Revelesen 19:8

Anam amu, Kayak Nug linen lamen hakkab, amiak, oppiaawak ele nug mekkunu mettom,” aon appig. Amunu diig am, linen lamen hakkab amuam genab tutukku hak kobol Kayaknu danab ah oppiaawak ele hetteb ippunigtte.

Revelesen 7:9

Imu oh dimppa da baula neekke, danab ah kuɗum kuɗumnab qagmena daaegeg anadmi. Aun laa nug danab ah amu oh ebaqakkunu elele? Iitta! Elele iitta! Danab ah amu ag wanppan wan ohppanu, huu ohppanu, beɗulag iɗu iɗu ohppanu amu nai ohppanu ele, ag Sipsip Nag amu Kayak, Nug sia king ⌊anuqak,⌋ appa daatte ele, ag aa noolahppa hippaidna daappig. Ag lamen elab hakkab takkaladna, ad pam ebekkud eppelagppa aɗualadna daappig.

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Galesia 3:27

Ag Kristus ele ouqena, Nug onigppa layattak aoppig amu, ag Kristus oiyom bia oiglagnu daatteb. Ag oh Kristus ele ouqak daatteb.

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

Solomonnu Ahi 7:1

O ah dahil, na king bekka aɗeg daattem, amu na baen laih laih oh am baeg gaɗa ooppa neekkak enanag; na tuɗin am neekkak enanag, am danab uɗat men daden nob okkai eleppa haknu doyak okkai ele, nug men enanagnab awa, elelenab bappaidtte, amubia.

Sam 132:9

O Yawe, na mana mettak danab ehanadppeppe, ag kobol genab tutukkuib hekkulagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb ele, ag gamag ahak doon, ahi ettaglagnu unuqidttem.” Ig anam amut.

Sam 45:13

⌊Wan laappan⌋ king aɗeg amu, nug nuhig neekkak am enanagnab, amu nug lag oo nuhigppa daatte. Nuhig lamen am muɗi golppa hak, muɗi laa ele, amuppa koitak daatte.

Sam 18:33

Am doɗ dia laa nug na qekkunu elele iitta oitte, amubia Kayak Nug da ehaniɗeɗe oittem. Ao, ib qaukoppanu oikkulnu, Nug da ehaniɗe, da ii nein qettem.

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!

Epesus 6:15

Ag maɗoɗ, Nai Enanu dotte amu, ag amu baelag gaɗa bia aɗappeg noaɗ!

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

Sam 132:16

Da mana mettak danab Jerusalem appa daatteb ele ehanadppi, ag padal ii memana. Ao, da heppi, danab ah ag dahilnu oo metta ii uuak kobol dim lamidna, Jerusalem appa daatteb amu, ag gamag ahak doon, ag ahi ettaglag.

Duteronomi 33:25

Dahil oo hakppa ag enanag, danab nug aabnu aɗ od ɠagattag qak daye, enanag daatte, ag amubia daaglag. Ao, ag ahilag dayak oh ag ena, ɠagattag ele anambia daaglagnu ool daatte,” awa aum.

Luk 15:21

Ootuqitte amu bekka nug mameg amegppa aum. ‘Mame, da Kayak nuhigppa, nahip-ppa ele hipunin hemi amunu, gemu da na dahilnu, “Na am nid dahil,” aon akkutnu elele ii daattem,’ awa aum.

Luk 15:23

Amu makau nag ittag ele laa aon dona qeppeg, ig latata gamanig ahaɗ!