Luk 15:20 - Nobonob Baibel

²⁰ Aria nug anam ana, nug aha ukkom, amge nug ugakka, uma uppa piɗe uɗieye, mameg nug antta, nuhignu oo bodoetta le mak doya aut autanab awa, qaiqaɗ ukka bekka aɗa ootuqittom.

Luk 15:20 Referans Kwoze

Sam 86:5

Aɗinu? O Naɗi, na am enanag. Na danab ah, ahilag hipunin uhuqna madattem. Nahip oo mauhaknab kobol am amba, leta nette, amu danab ah ag na ⌊ahilag hipunin uhuqna madakkutnu⌋ unuqidtteb amu, na amu dilagnu oo mauhaknab kobol nahip amu dim lamidttem.

Sam 86:15

Amge O Naɗi, na kayak laa bia iitta; na am Kayak oo bodoetta le mak kobol, oo bodoette enanag maɗoɗ ele hak kobol ele dim lamidttem. Na paha oot ii nauhtte, amu nahip oo mauhaknab kobol, oo metta ii uuak kobol ele am ambeya, letaya nettep.

Epesus 2:13

Amge gemu ag Kristus Jesusnu daatteb. Ag tatam uma daappig, amge Kayak Nug Kristus tiigppa ag omalatte, Nug gumidna uɗippig.

Aisaia 49:15

Ag Juda ag anam aon atteb, amge Yawe Nug ag amelagppa atte. “Ah nid awa, nid amu huh medatte amu, ah amu nug nid amu daug atikkunu elelete? Nug nid amu oo ii metta, daug atie, nid nug menuom ele amu ii bekkidkkunu elelete? Iittabia amge, gadon, deɗ laippu laippu ah laa nug anam hekku bia, amge da laa nug anam hette bia amu, da ii hepa. Da ahilagnu daul iinab atima.

Genesis 33:4

Jakop anam he amu, Esau nug qaiqaɗ gumitta uɗia oɗokkia, ootuqitte, aa oh gaapiɗ.

Epesus 2:17

Nug aakkuib uɗia, ameg laa uma daappig, ameg laa miag daappig ele amu, Nug ag oh ag oolag laippu maɗoɗppa daaglagnu aum.

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Aisaia 57:18

Da dahilad danab ah ag attem hena oitteb amu, da antten malami, amge da heppi, ag eɗun, enaib daan oiglag. Da ahilag ulum aɗen, da oo mak ag madakkul.

Genesis 46:29

Josep nug he, nuhikkud maɗi nid ag oiyaknu karis nuhig babaitteg, nug awa, wan atu onig Gosen appa, nug mameg Israel uɗa tekkunu ukkom. Ukka, nug mameg gumitta wana, nug oɗakkia, haen elab gayom.

Genesis 45:14

Nug anam a amu, nug Benyamin ele nug oɗakkia daayya gaapiɗ.

Aposel 20:37

Unuqitte amu, ikki danab ag oh huana gaanna, ag Pol oɗokkidna ootuqidppig.

Aposel 2:39

Am Kayak Nug anukka nuhig Ouɗi ag, ag bekkalkad, amu wan laa adeppan danab ah, ag ele madakkunu nai qakka aum. Yo, Naɗi, ihinig Kayak, Nug aun aɗi ag onilagppa ette amu, Nug nuhig Ouɗi ag madakkunu nai qakka aum,” awa aum.

Hosea 11:8

O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

2 Samuel 14:33

Apsalom nug anam a, Joap ukka, King Dawit amegppa amu a, Dawit nug Apsalom onigppa e, Apsalom nug uɗia, Dawit noobppa gateg qaun o, gomela, iɗu wanppa meum. Nug anam ha, eɗua ahe, King Dawit nug Apsalom ootuqittom.

Luk 15:19

Anam amu, gemu da na dahilnu, ‘Na am nid dahil,’ aon akkutnu elele ii daattem amunu, na heppe, da nahip uɗat nid laa bia daakkul,” awe akkul.’ Nug nukka nuhignu anam aum.

Luk 15:21

Ootuqitte amu bekka nug mameg amegppa aum. ‘Mame, da Kayak nuhigppa, nahip-ppa ele hipunin hemi amunu, gemu da na dahilnu, “Na am nid dahil,” aon akkutnu elele ii daattem,’ awa aum.