Luk 15:17 - Nobonob Baibel

¹⁷ Aria, haen nug qagaiettak dayaya, nug nukka ooppa be dabma, nug nugakka nai mattia aum. ‘Da mamelnu uɗat nid oh ag am ee elelenab ele, amge da ippa daattem amu enug huanaknab niɗe, mauhkkulnu hettem.

Luk 15:17 Referans Kwoze

Esekiel 18:28

Nug hipunin heum, nug amu oh dabmetta, uua dimedatte, diig amunu nug bau daakku. Nug ii mauhma.

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

Jeremaia 31:19

O Kayak, ig na uuidta oimut, amge ig anam oiut, ⌊na bu mekke,⌋ ig oonig eɗuom. Ao, na he, ig eheɗ hemut oonig maitte, ig uɗa nak eheɗ doomut. Ig nid bau daatta, ig kobol uɗa nak nau guittak ele heut uɗiom amunu, ig uɗa nak nau doomut.’ Israel danab ah ag anam appig doomi.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Luk 16:23

Nug mauhe, nug ukka, Hadesppa guittak naɗi ele dayom. Anam dayaya, nug neekke attan ukke, Abraham umanab dayeye, Lasarus nug ele daaeheh anatom.

Luk 8:35

Mattieg doona amu, danab ah ag keeke amu anidkkulagnu Jesus gumidna gona, ag danab ouɗi nau uuidppig amu anidppig. Nug lamen takka, dabmak ena ele Jesus baegppa heɗep na dayeye anidppig. Danab ah ag anam anidna, ag baɗappig.

Gayak Nai 1:7

Kekeɗ ag Juda danab ah guittak mattaeg, gemu ag wan laalappa daan oinna; ag anukka enaib, enub ele daappignu dabmetteb. Kekeɗ ag eɗadppig haenppa laa ag, ag ehanadkkulagnu laa ii daappig; haen amuppa Juda dilag kekeɗ ag Juda danab ah nauhegeg anadnana, imadppig.

Eklisiastis 9:3

Amuam aam waappan eheɗ aakku. Danab oh ag ib laippuppa gotteb. Keeke laa am, danab ag bau daatteb amu, eheɗ hak kobol ahilagppa ambak daye, Kayak dab-ii-maama hak okkai kobol ele ahilagppa daatte. Ag anam oinna, ag mauhna, mauhak abenppa ukkaeg, mauhppig ele daatteb.

Sam 73:20

Ahilag bau dayak gemunu am danab ag tulppa keeke anidtteb, am amubia daatte. Ag ahatteb haenppa amu iitta mette. O Naɗi, na ahappe amu, nau hak danab ag wan imuppa baula ii daamna. Laa ag ippa baula ii anadmana.

Sam 119:59

Da attem hein oittemnu dabmemi. Ao, da nahip ɗo dim lamidkkulnu ool eɗuom.

Hosea 2:7

Geha da anam heppi, ag anilag nug danab nug ag ele niippig, nug ag ele baula niiglagnu dim dim lamadkku, amge nug ag aɗalatta diikkunu elele iitta daakku. Ao, nug danab nug ag ele niippig, nug ag ele baula niiglagnu mattialadkku, amge nug ag anadkkunu elele iitta. Da anam heppi, nug, ‘Da danab dahilnab ele amu, i gemu da daattem imu eɗittak enanag daamuɗ amunu, da eɗue, nuhigppa gokkul,’ akku.

Luk 15:16

Amu nug bo dilag ee lakkunu baag ukkom, amge danab laa nug lanak keeke laa nid amu ii mettom.

Aposel 12:11

Aakku Pita nug aɗi kobol beum amu doya aum. “Herot nug da aɗailele, Juda danab ag da eheɗ heiɗkkulagnu dabmeppig, amge gemu da genab doottem, Naɗi Nug he, engel nuhig uɗia, da ag eppelagppanu awiɗom,” awa aum.