Luk 15:16 - Nobonob Baibel

¹⁶ Amu nug bo dilag ee lakkunu baag ukkom, amge danab laa nug lanak keeke laa nid amu ii mettom.

Luk 15:16 Referans Kwoze

Hosea 12:1

Israel danab ah ag am danab laa nug ulah lanan daakkunu hette bia hetteb. Ao, ag am danab laa nug kaɗag ulah deɗ ohppa dim lamittattaib hette bia hetteb. Ag hambuppuak kuɗumnab mattinna; ag danab ah guittak nau mauhnoak madatteb. Ag nug tituana nai qakkak Asiria danab ah ele heeg; ag ⌊Isip ahilagnu, “Ig lainig,” dooglagnu, ag amu daden nob daakkunu⌋ olip goɗen meeg, Isip gotte.

Gayak Nai 4:5

Laa ag anukka ee ena enaib ladappig amu, ag gemu keeke iitta ele ib giginppa daatteb. Ao, laa ag lamen ena enaib tagattappig amu, gemu ag uhuɗppa daatteb.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Sam 142:4

Na da eppel naɗiap-ppa neegna, auntai laa da atognoiɗa ɠagattag iukkunu laa ii daatte anidkkut. Da padal mak eɗitteb ena daakkulnu aben laa iitta. Da mauhkkul dayeb amu, auntai laa nug amu dab-ii-mema.

Aisaia 57:3

Yawe Nug atte, “Ag danab ah eheɗ hetteb ele, ag uɗin, dahil nai doyeg! Ag emaɗ hak ah bekkod bia daatteb. Ag danab ag ahilkad ah uuadna ah laa ele oitteb aɗelkad bekkalkad bia daatteb. Ag am ib baag ah ele aɗelkad bekkalkad bia daatteb.

Aisaia 55:2

Aɗinu ag ee, ag ɠagattagnab ii madatte ele, ag amuppa men doɗo heeg iitta mette? Ao, ag aɗinu ee ag beɗulagib ehanidtte ele, ag amuib daden metteb? Ag daulag human daappeg, da ag ee ag meulkad oh ehanidkkunu elele amu, da ag ee amu adeppa aoglagnu appi doyeg!

Sam 73:22

haen amuppa da kobol kaaka, doyak iitta ele hemi. Ge, da doɗ, dabmak iitta ele, amubia daami.

Matyu 7:6

Qai ag eɗun eheɗ emaladmananu amu, ag ahilag keeke oppiaawak ele aib madappig. Amu laa ele, bo ag baelagppa tappamnanu amu, ag ahilag kalele ena ena perlppa heppig amu aib madappig.

Luk 15:15

Amunu nug ukka, wan amuppanu danab laa nuhig uɗat hekkunu he, danab amu nug he, nid amu ukka, danab amu nuhig bo gumattom.

Luk 15:17

Aria, haen nug qagaiettak dayaya, nug nukka ooppa be dabma, nug nugakka nai mattia aum. ‘Da mamelnu uɗat nid oh ag am ee elelenab ele, amge da ippa daattem amu enug huanaknab niɗe, mauhkkulnu hettem.

Job 30:4

Ag atu amuppa oin, ag appa ee ena iitta anidna, lakkulagnu aotteb; gakkaɗak aon daaglagnu aab ahilag am ad brum diɗi.