Luk 15:15 - Nobonob Baibel

¹⁵ Amunu nug ukka, wan amuppanu danab laa nuhig uɗat hekkunu he, danab amu nug he, nid amu ukka, danab amu nuhig bo gumattom.

Luk 15:15 Referans Kwoze

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Malakai 2:9

Yawe Nukka Ɠagattag Oh Ele, Nug inam ele atte. “Ag mana mettak danab ag amu heegeg, da hei, danab ah laa ag ahilagnu ena iinab doon, uɗa nak ele madatteb. Aɗinu? Ag mana mettak danab ag dahil ib ii dim lamidna, ag hettoɗiakppa diignab iittappa ag laanu ena doya, laanu diignab iittappa eheɗ doyak kobol dim lamidna hetteb,” awa atte.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Rom 6:22

Amge Kayak Nug ag hipuninnu kobolppanu uhuqatta, Nug ag nuhig begbeg maɗi nid maattom amunu, ag nuhig keeke ena aonna, oppiaawak danab betteb. Ag anam bettebnu gogtak amu ag bauklel hanhannu aoglag.

Luk 15:13

Nug aa mate aoeh, haen elab iitta amu bekka gehanu nug aha, nuhig keeke am oh akka qagma awa, wan laappa umanab ukkom. Nug nukka appa wan amuppa dayaya, am nuhig men doɗo amu enaen mak kobolppa oh akke ukkom.

Nahum 3:6

Da heppi, wan laappan danab ah ag kinipan nau agappeg uɗia, na nidakku. Ao, da heppi, ag, ag Niniwe danab ah, ag ahilagnu, ‘Keeke hamunab,’ dooglag. Ge, da heppi, ag Niniwe danab ah ag laa noolagppa keeke imaknu bia daaglag.

Esekiel 16:63

Amunu diig am, haen da nahip eheɗ hak ohnu nob nau dahil ehanittak okkaippa iitta mekkunu heppi elele metteb ⌊anidna⌋, na eheɗ huanak hemenu dabmenana, uɗanak nau doon, ⌊na oot eɗueb, da nahip hipunin uhuqen medappi, na uhuqak amu aon,⌋ na nahip hipuninnu baula madikkutnu oɗen ii oppatmana.” Naɗi Yawe Nug anam atte.

Esekiel 16:52

Danab ag na apan, makkep ele anatna, ‘Ah nau,’ alob, amge ag na anidna, ag ahilahnu, ‘Ah ena bia,’ appig amunu, na nahip hipunin uɗig wak naunu uɗa nak nau guittak ele doye! Nahip hipunin am naunab nau amunu, na apan, makkep ele aa am danab laa dilag neekkakppa nakok ah ena bia daattep, na am nauib daattem. Anam amunu, na hee, na apan, makkep ele aa ah ena bia danab dilag neekkakppa anat-tteb, diig amunu na uɗan naɗ! Na uɗa nak nau guittak ele doye!

Aisaia 57:17

Da dahilad danab ag baubau awaknu hik aqeeqe eheɗ heppig amunu, da oppoɗil eheɗ beum. Da amu antten, da oo nauhak doyeye, da bu matten, dimattami. Da amu hemi, amge ag doonna, tuɗidna eheɗ heppig.

2 Stori 28:22

Uug digdig amu be, King Ahas nug doyom, amge uug amu beebe, nug eɗua, Yawe dim ii lamittom. Iitta. Nug tuɗitta, Yawe ippunittomnu oo metta ii uuak kobol dim lamidkkunu uua auta autanab awa oiyom.

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Matyu 7:6

Qai ag eɗun eheɗ emaladmananu amu, ag ahilag keeke oppiaawak ele aib madappig. Amu laa ele, bo ag baelagppa tappamnanu amu, ag ahilag kalele ena ena perlppa heppig amu aib madappig.

Luk 15:14

Amu nug nuhig keeke oh akke ukka male, dimppa wan amuppa enug haen naɗi beum, ge nug keeke laa iitta.

Luk 15:16

Amu nug bo dilag ee lakkunu baag ukkom, amge danab laa nug lanak keeke laa nid amu ii mettom.