Luk 14:23 - Nobonob Baibel

²³ Anam a amu danab okkai nug maɗi nid amegppa eɗua aum. ‘Na gona, ib okkaippa, dadnu aɗ ele mattan gonana, na danab ah eeɗadppe uɗin, ooppa noig! Da laul imu ambekkunu ool daatte.

Luk 14:23 Referans Kwoze

Kolosi 1:28

Ig Kristus, nuhignuib danab oh amelagppa attem. Ig danab oh anen anen ag dabmena autna aona, ag Kristusnu bena daanna, ag genab tutukku hak danab elelenab beppeg, ig ag omaladta, Kayak noobppa gokkunignu elele daagnignu, ig doyak dabmak ena ele ohppa danab oh ippunittak nai, amu dabmettak nai ele ippunadttem.

2 Korint 5:11

Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Rom 10:18

Amge da oɗ mettem. Israel danab amu ag nai iite dooppig? Yo, ⌊Kayak nai atte, amubia⌋ ag dooppig. ⌊Nai amuam inam.⌋ “Keeke amu oh baalag am wan atu ohppa ukka malom daatte. Yo, ahilag nai amu wan oh tualom daatte.”

Aposel 28:28

Amunu ag doyeg! Kayak Nug ig eɗua awigkkunu uɗat ena imu ihinignu heum amu, Kayak Nug he, iitta aɗi danab dilagppa ukkom, amu iitta aɗi amu, ag am dooglag,” awa aum.

Aposel 18:6

Amge Juda ag Pol nug Jesusnu nai amu ii mattimanu wagai mena, aon aon qedappig amunu, Pol nug lamen elab nuhigppa kauko dayom amu he ne, nug amelagppa aum. “Ag padal mekkulagtai amu akka beɗulagppa, da eheɗ ii hemi. Amunu gemu da iitta aɗi gumatte gokkul,” awa aum.

Sam 98:3

Am Yawe Nug oo mauhaknab kobol nuhig, oo metta ii uuak kobol nuhig ele Israel dilagnu dabmaama dim lamidkkunu nai anan qakkom. Yawe Nug anam hekkunu nai anan qakkom, amu Nug aakku heum. Ihinig Kayak Nug ehanikke, ig padal ii memut, amu wanppan danab ah oh ag amu anidppig.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Aposel 16:15

Nug nai doya oo eɗue layattak awe, nug baekkudppa ele ag layattak aoppig. Lidia layattak awowa, nug ig amenigppa aum. “Ag da Naɗinu oolppa genab doottem elele anidtteb dayeb amu, aria ag uɗin, da laulppa dayeg!” awa aum. Nug anam ana wagai ma he, ig nug oɗe dim lamidta, gota nug laugppa daamut.

Luk 24:29

amge aa Nug hagakka aoya apiɗ. “Na i ele daatu! Aam no, uudoumde!” Anam aeh, Nug lag ooppa no oh daanna,

Matyu 5:41

Danab laa ehah amu hekkunu elele nug na nug ehanidppeppe, nug ele 1 kilomita gokkulahnu ɠagattag duttunitta heeb, na nug ele 2 kilomita ukkeɗ!

Luk 14:22

Nug anam a am dimppa maɗi nid nug nuhig okkai amegppa aum. ‘Naɗi, da na ame amu dim lamitten hein malami, amge balal laa oh am-ii-beum,’ awa aum.

Luk 14:24

Am imu da na amenppa ele attem. Danab amu oh da ag anukka onilagppa emi ele amu, ag ee dahil iinab aomna,’ awa aum.” Jesus Nug anam aum.